فوتو: تاسس
وزبەكستان مەن رەسەي 2027 جىلعا ارنالعان اسكەري ىنتىماقتاستىق جوسپارىن بەكىتتى، دەپ حابارلايدى "ادىرنا" ۇلتتىق پورتالى تاسس-قا سىلتەپ.
قۇجات رەسەي قورعانىس ءمينيسترى اندرەي بەلوۋسوۆ پەن وزبەكستان قورعانىس مينيسترلىگىنىڭ باسشىسى بوتير كۋدراتحودجاەۆتىڭ كەلىسسوزدەرى ناتيجەسىندە قابىلداندى.
كەزدەسۋ رەسەي قورعانىس ۆەدومستۆوسى باسشىسىنىڭ وزبەكستانعا جۇمىس ساپارى اياسىندا ءوتتى. تاراپتار قورعانىس سالاسىنداعى ءوزارا ءىس-قيمىلدى دامىتۋ جانە وڭىرلىك قاۋىپسىزدىك ماسەلەلەرىن تالقىلادى.
اندرەي بەلوۋسوۆتىڭ ايتۋىنشا، ەكى ەل اراسىنداعى اسكەري ىنتىماقتاستىق كەڭەيىپ كەلەدى. ول بۇل ارىپتەستىكتىڭ ورتالىق ازياداعى قاۋىپسىزدىكتى نىعايتۋ ءۇشىن ماڭىزدى ەكەنىن اتاپ ءوتتى.
سونىمەن قاتار رەسەي مەن وزبەكستان 2026–2030 جىلدارعا ارنالعان اسكەري سالاداعى ستراتەگيالىق ارىپتەستىك باعدارلاماسىن جۇزەگە اسىرىپ جاتىر. قۇجات جىل سايىن 60-تان استام ءىس-شارا وتكىزۋدى كوزدەيدى. ولاردىڭ قاتارىندا بىرلەسكەن اسكەري وقۋ-جاتتىعۋلار، جاۋىنگەرلىك دايارلىق ساباقتارى جانە اسكەري قىزمەتشىلەردى وقىتۋ بار.
ەسكە سالايىق، 2026 جىلعى قازاندا ەكى ەلدىڭ قۇرلىق اسكەرلەرى تەرمەز پوليگونىندا بىرلەسكەن وقۋ-جاتتىعۋ وتكىزگەن.
