الماتىدا جەتىسۋ اۋدانى اكىمىنىڭ ورىنباسارى ءىرى كولەمدە پارا الدى دەگەن كۇدىككە ءىلىندى، دەپ حابارلايدى "ادىرنا" ۇلتتىق پورتالى سىبايلاس جەمقورلىققا قارسى ءىس-قيمىل اگەنتتىگىنە سىلتەمە جاساپ.
جەمقورلىققا قارسى قىزمەت شەنەۋنىككە قاتىستى سوتقا دەيىنگى تەرگەۋ امالدارىن جۇرگىزۋدە.
"ول جەرگىلىكتى كاسىپكەرلەردەن 14 ميلليون تەڭگە كولەمىندە پارا الدى دەگەن كۇدىككە ءىلىندى. بۇل سوما مەملەكەتتىك ساتىپ الۋلار تۋرالى كەلىسىم-شارتتار جاساسۋعا كومەكتەسۋ، ورىندالعان جۇمىستاردىڭ اكتىسىنە قول قويۋ جانە جالپى قامقورلىق ءۇشىن جۇمسالعان", - دەلىنگەن حابارلامادا.
تەرگەۋ سوتىنىڭ سانكتسياسىمەن كۇدىكتى قاماۋعا الىندى. تەرگەۋ جالعاسىپ جاتىر.
"ادىرنا" ۇلتتىق پورتالى
