“ادىرنا” ۇلتتىق پورتالى 2023 جىلدىڭ سالا ۇزدىكتەرىنىڭ تاعى ءبىر قاتارىن تىزبەكتەدى. بۇل جول ونەر، مادەنيەت، ءبىلىم سالاسىنىڭ ۇزدىك ماماندارى جاساقتالدى.
جىل ۇزدىكتەرىنىڭ ەكىنشى سانىنىڭ مايتالماندارى تومەندەگى جاندار:
«2023 جىلدىڭ ۇزدىك ۇستازى» - رىسبەك ءماۋىت
رىسبەك ءماۋىت - “زەردەلى” اقىل-وي دامىتۋ ورتالىعىنىڭ نەگىزىن قالاۋشى، ماتەماتيك ۇستاز. ءبىلىم بەرۋ سالاسىندا بىرنەشە جىلدان بەرى جانىن سالىپ قىزمەت ەتىپ كەلەدى. 2017 جىلى “ۇزدىك پەداگوگ” اتاعىنىڭ يەگەرى.
«2023 جىلدىڭ ۇزدىك مادەنيەت قايراتكەرى» - اسقار نايمانتاەۆ
اسقار نايمانتاەۆ - قازاقستاندىق اكتەر، ساتيريك، تەاتر جانە كينو رەجيسسيورى. «قازاقستاننىڭ ەڭبەك سىڭىرگەن قايراتكەرى» مەدالىنىڭ يەگەرى. اسقار اعامىز 2023 جىلدىڭ 2 جەلتوقسانىندا دۇنيە سالعان بولاتىن.
«2023 جىلدىڭ ۇزدىك ەتنوگرافى» - سەرىك ەرعالي
قوعام قايرەتكەرى، مادەنيەتتانۋشى سەرىك ەرعالي قازاق حالقىنىڭ تاريح، ۇلتتىق-قۇندىلىق تۋراسىنداعى تۇرلىشە ماسەلەلەرىنە بەلسەندى پىكىر بىلدىرۋىمەن ەل ەسىندە.
«2023 جىلدىڭ ۇزدىك عالىمى» - اسقار جۇمادىلداەۆ
اسقار سەرقۇلۇلى - بەلگىلى قازاقستاندىق عالىم جانە قوعام قايراتكەرى، فيزيكا-ماتەماتيكا عىلىمدارىنىڭ دوكتورى (1988), پروفەسسور (1990), قازاقستان ۇعا-نىڭ اكادەميگى، 12-شاقىرىلعان قازاق كسر جوعارى كەڭەسىنىڭ جانە 13-شاقىرىلعان قازاقستان رەسپۋبليكاسى جوعارى كەڭەسىنىڭ دەپۋتاتى.
«2023 جىلدىڭ ۇزدىك ءانشىسى» - ديماش قۇدايبەرگەن
ديماش قۇدايبەرگەن - الەمگە تانىمال قازاق جۇلدىزى. بۇلبۇل داۋىستىڭ يەسى. قازاق اتاۋىن الەمگە تانىتىپ جۇرگەن قازاقستاننىڭ حالىق ءارتىسى. “حالىق ءارتىسى” اتاعى ديماش قۇدايبەرگەنگە 2023 جىلى بەرىلدى.
«2023 جىلدىڭ ۇزدىك ونەرتانۋشىسى» - ەرلان تولەۋتاي
ەرلان تولەۋتاي - قازاق ونەرتانۋشىسى، ءداستۇرلى ءانشى. ءتول ونەرىمىزدى دارىپتەپ جۇرگەن اسقان تالانت يەسى.
«2023 جىلدىڭ ۇزدىك جازۋشىسى» - مۇحتار ماعاۋين
مۇحتار مۇقانۇلى تاريحشى، جازۋشى، قازاقتىڭ اۋىز ادەبيەتىن زەرتتەۋشىسى عالىم. "التىن وردا" دەرەكتى تاريحي رومانىن جازىپ ءبىتىردى، 2024 جىلدان باستاپ "جۇلدىز" جۋرنالىنا باسىلىپ شىعادى
