2025 جىلعى 20–21 تامىز كۇندەرى اقمولا وبلىسىندا جاستاردىڭ قوعامدىق بەلسەندىلىگىن ارتتىرۋعا، ەرىكتىلىك مادەنيەتىن دامىتۋعا باعىتتالعان ەكى كۇندىك ايماقتىق جوبا ۇيىمداستىرىلدى. «ەرىكتىلەر – قوعامنىڭ جۇرەگى، بولاشاقتىڭ تىرەگى» اتتى ءىس-شارا اقمولا وبلىسى ءبىلىم باسقارماسىنا قاراستى جىل بويى بالالار ساۋىقتىرۋ لاگەرىنىڭ بازاسىندا ءوتتى.
جوبانىڭ نەگىزگى ماقساتى – ءوڭىر جاستارى اراسىندا ەرىكتىلىك قۇندىلىقتارىن دارىپتەۋ، الەۋمەتتىك باستامالاردى قولداۋ جانە تاجىريبە الماسۋعا مۇمكىندىك بەرەتىن ورتا قالىپتاستىرۋ بولدى. اۋقىمدى شاراعا وبلىستىڭ بارلىق اۋداندارىنان كەلگەن ەرىكتىلەر، جاستار رەسۋرستىق ورتالىقتارىنىڭ ماماندارى، ۇكىمەتتىك ەمەس ۇيىمدار وكىلدەرى مەن مەملەكەتتىك ورگانداردىڭ باسشىلارى قاتىستى.
جوبانىڭ اشىلۋ سالتاناتىندا اقمولا وبلىسى ىشكى ساياسات باسقارماسى باسشىسىنىڭ ورىنباسارى كەنجەباەۆ سابىرحان مەيىرحانۇلى جانە ۆولونتەرلەردى قولداۋ ورتالىعى فرونت-كەڭسەسىنىڭ باسشىسى حامزين ديدار احمەتۇلى قۇتتىقتاۋ ءسوز سويلەپ، جاستاردى بەلسەندى ازاماتتىق ۇستانىم تانىتۋعا شاقىردى.
جوبانىڭ العاشقى كۇنىندە ەرىكتىلىك قىزمەتىن جەتىلدىرۋگە ارنالعان وقىتۋ سەمينارلارى ءوتتى. سپيكەرلەر قاتارىندا:
• ميرونيۋك تاتيانا، «ۇلتتىق ۆولونتەرلىك جەلى» ۇەۇ ديرەكتورى;
• دوسىمبەتوۆ ايبەك، «ۇلتتىق ۆولونتەرلىك جەلى» ۇەۇ اتقارۋشى ديرەكتورى;
• جاعۋپار دانيال، esirtkisiz.aqmola فرونت-ءوفيسىنىڭ باسشىسى;
• بەكيشەۆ سۇلتانبەك، «جاستار رۋحى» جاستار قاناتىنىڭ توراعاسى بولدى.
ولار ءوز تاجىريبەلەرىمەن ءبولىسىپ، ەرىكتىلەر قوزعالىسىن جۇيەلى تۇردە ۇيىمداستىرۋدىڭ زاماناۋي تاسىلدەرى، الەۋمەتتىك جوبالاردى ءتيىمدى جۇزەگە اسىرۋ تەتىكتەرى، سونداي-اق جاڭا ادىستەمەلەر مەن قۇرالدار جايىندا وي قوزعادى. قاتىسۋشىلار توپتىق جۇمىسقا، پىكىرتالاس الاڭدارىنا بەلسەنە قاتىسىپ، وڭىردە ەرىكتىلىكتى دامىتۋعا قاتىستى ءوز ۇسىنىستارىن ورتاعا سالدى.
ايماقتىق جوبانىڭ قورىتىندىسىندا قاتىسۋشىلار العان بىلىمدەرى مەن تاجىريبەسىن وڭىردەگى الەۋمەتتىك باستامالاردى جۇزەگە اسىرۋعا جۇمساۋعا نيەتتى ەكەنىن ءبىلدىردى. بۇل باسقوسۋ اقمولا وبلىسىندا ەرىكتىلەر قوزعالىسىنىڭ دامۋىنا تىڭ سەرپىن بەرىپ قانا قويماي، جاستاردىڭ جاڭا يدەيالارىنا جول اشتى.
جاستاردىڭ بەلسەندىلىگى مەن قوعام الدىنداعى جاۋاپكەرشىلىگى – بولاشاق قازاقستاننىڭ مىقتى تىرەگى ەكەنى تاعى ءبىر مارتە ايقىندالدى.
