“Адырна” ұлттық порталы 2023 жылдың сала үздіктерінің тағы бір қатарын тізбектеді. Бұл жол өнер, мәдениет, білім саласының үздік мамандары жасақталды.
Жыл үздіктерінің екінші санының майталмандары төмендегі жандар:
«2023 жылдың үздік ұстазы» - Рысбек Мәуіт
Рысбек Мәуіт - “Зерделі” ақыл-ой дамыту орталығының негізін қалаушы, математик ұстаз. Білім беру саласында бірнеше жылдан бері жанын салып қызмет етіп келеді. 2017 жылы “Үздік педагог” атағының иегері.
«2023 жылдың үздік мәдениет қайраткері» - Асқар Наймантаев
Асқар Наймантаев - қазақстандық актер, сатирик, театр және кино режиссёрі. «Қазақстанның еңбек сіңірген қайраткері» медалінің иегері. Асқар ағамыз 2023 жылдың 2 желтоқсанында дүние салған болатын.
«2023 жылдың үздік этнографы» - Серік Ерғали
Қоғам қайреткері, мәдениеттанушы Серік Ерғали қазақ халқының тарих, ұлттық-құндылық турасындағы түрліше мәселелеріне белсенді пікір білдіруімен ел есінде.
«2023 жылдың үздік ғалымы» - Асқар Жұмаділдаев
Асқар Серқұлұлы - белгілі қазақстандық ғалым және қоғам қайраткері, физика-математика ғылымдарының докторы (1988), профессор (1990), Қазақстан ҰҒА-ның академигі, 12-шақырылған Қазақ КСР Жоғары Кеңесінің және 13-шақырылған Қазақстан Республикасы Жоғары Кеңесінің депутаты.
«2023 жылдың үздік әншісі» - Димаш Құдайберген
Димаш Құдайберген - әлемге танымал қазақ жұлдызы. Бұлбұл дауыстың иесі. Қазақ атауын әлемге танытып жүрген Қазақстанның халық әртісі. “Халық әртісі” атағы Димаш Құдайбергенге 2023 жылы берілді.
«2023 жылдың үздік өнертанушысы» - Ерлан Төлеутай
Ерлан Төлеутай - қазақ өнертанушысы, дәстүрлі әнші. Төл өнерімізді дәріптеп жүрген асқан талант иесі.
«2023 жылдың үздік жазушысы» - Мұхтар Мағауин
Мұхтар Мұқанұлы тарихшы, жазушы, қазақтың ауыз әдебиетін зерттеушісі ғалым. "Алтын Орда" деректі тарихи романын жазып бітірді, 2024 жылдан бастап "Жұлдыз" журналына басылып шығады
