پايدالى قازباعا باي قازاقستاندا كەن ورىندارى، شاحتالار از ەمەس. ولارداعى جاعداي مىنا "ارسەلور-ميتتالدىڭ" ار جاق-بەر جاعى سياقتى. شاحتەرلاردىڭ ولىمىنە اكەپ سوققان اپات تالاي جايتتىڭ بەتىن اشتى.
وسىدان 2-3 جىل بۇرىن ءبىر شارۋامەن اياگوزگە بارعان ەدىم. قايتاردا كەشكىسىن پويىزعا وتىردىم. جولدا اقتوعاي كەنىشىنە توقتاپ، كوپ ادام كىردى، ونىڭ الدىندا بوس تۇرعان ۆاگون لىق تولدى. سويتسەك ولار ۆاحتادان شىققان اقتوعاي كومبيناتىنىڭ جۇمىسشىلارى ەكەن. ءتۇرلى ۇلت وكىلى. ءبىزدىڭ كۋپەگە جاس جۇمىسشى جىگىت جايعاستى. تۇنگە قاراي ۆاگون شۋ بولىپ كەتتى، ەر ادامداردىڭ داۋىسى. ءبىزدىڭ كۋپەدەگى جىگىتتەن بۇل نە دەپ ەدىم، ء“بىزدىڭ جىگىتتەر عوي، ۆاحتادان شىققان سوڭ وسىلاي دەمالادى. جۇمىس وتە اۋىر ءارى زيان. وڭاي ەمەس” دەدى. ءوزى ناماز وقيتىن جىگىت ەكەن. ىشپەيتىن ادام وتىرعانىنا قۋاندىق كۋپەمىزگە. سوسىن كومبينات تۋرالى ايتىپ، “ۆاگون-ۆاگون پايدالى قازبالار شەتەلگە، قىتايعا كەتىپ جاتىر. كورگەن سايىن ءىشىمىز اشيدى. ءوز ەلىمىز قىزىعىن كورسە عوي سونىڭ. ول وتە قىمبات رۋدا” دەپ قىنجىلا اڭگىمەسىن ايتتى.
قاراعاندى سياقتى اقتوعاي رۋدنيگىنىڭ پايداسىن جەرگىلىكتى حالىق كورىپ جاتپاعانى انىق. كەشەگى ءتورت سابيىنەن ايىرىلعان اياگوزدىك وتباسى اۋدانداعى الەۋمەتتىك جاعدايدىڭ اۋىر ەكەنىن كورسەتتى عوي.
رۋدنيكتىڭ وتانى جەزقازعاندا دا سولاي. قازاقمىستا ىستەيتىن شاحتەرلار جەردىڭ استىنا تۇسكەن سايىن ومىرمەن قوشتاسقانداي بولىپ كىرەدى ەكەن. ادامدار كۇنكورىس، بالا-شاعا قامى ءۇشىن جانىن شۇبەرەككە ءتۇيىپ، تاۋەكەل ەتپەسكە لاجى جوق.
ازاماتىنان ايىرىلىپ اھ ۇرعان انالار مەن ايەلدەردىڭ، بالالاردىڭ زارى كەن ورىندارىنىڭ قوجايىندارىنىڭ، نامىسسىز شەنەۋنىكتەرىمىزدىڭ قۇلاعىنا جەتەر مە ەكەن ((
بىراق جەتپەسە دە مۇنشاما نالا مەن قارعىس جىبەرمەيدى عوي.
