Paıdaly qazbaǵa baı Qazaqstanda ken oryndary, shahtalar az emes. Olardaǵy jaǵdaı myna "Arselor-Mıttaldyń" ar jaq-ber jaǵy sııaqty. Shahterlardyń ólimine ákep soqqan apat talaı jaıttyń betin ashty.
Osydan 2-3 jyl buryn bir sharýamen Aıagózge barǵan edim. Qaıtarda keshkisin poıyzǵa otyrdym. Jolda Aqtoǵaı kenishine toqtap, kóp adam kirdi, onyń aldynda bos turǵan vagon lyq toldy. Sóıtsek olar vahtadan shyqqan Aqtoǵaı kombınatynyń jumysshylary eken. Túrli ult ókili. Bizdiń kýpege jas jumysshy jigit jaıǵasty. Túnge qaraı vagon shý bolyp ketti, er adamdardyń daýysy. Bizdiń kýpedegi jigitten bul ne dep edim, “bizdiń jigitter ǵoı, vahtadan shyqqan soń osylaı demalady. Jumys óte aýyr ári zııan. Ońaı emes” dedi. Ózi namaz oqıtyn jigit eken. Ishpeıtin adam otyrǵanyna qýandyq kýpemizge. Sosyn kombınat týraly aıtyp, “vagon-vagon paıdaly qazbalar shetelge, Qytaıǵa ketip jatyr. Kórgen saıyn ishimiz ashıdy. Óz elimiz qyzyǵyn kórse ǵoı sonyń. Ol óte qymbat rýda” dep qynjyla áńgimesin aıtty.
Qaraǵandy sııaqty Aqtoǵaı rýdnıginiń paıdasyn jergilikti halyq kórip jatpaǵany anyq. Keshegi tórt sábıinen aıyrylǵan aıagózdik otbasy aýdandaǵy áleýmettik jaǵdaıdyń aýyr ekenin kórsetti ǵoı.
Rýdnıktiń otany Jezqazǵanda da solaı. Qazaqmysta isteıtin shahterlar jerdiń astyna túsken saıyn ómirmen qoshtasqandaı bolyp kiredi eken. Adamdar kúnkóris, bala-shaǵa qamy úshin janyn shúberekke túıip, táýekel etpeske lajy joq.
Azamatynan aıyrylyp ah urǵan analar men áıelderdiń, balalardyń zary ken oryndarynyń qojaıyndarynyń, namyssyz sheneýnikterimizdiń qulaǵyna jeter me eken ((
Biraq jetpese de munshama nala men qarǵys jibermeıdi ǵoı.
