قاراعاندى مەن پاۆلودار وبلىستارى شەكتەسەتىن تۇستا تورتكول، قىزىلتاۋ، ساتپاي اۋىلىنىڭ ءشوپ شابار ورىندارى ءۇش كۇن بويى ورتەنگەن. ورت 7 قىركۇيەك تۇندە توقتادى. بۇحار جىراۋ اۋدانىنداعى بەلاعاش ورمان قوجالىعى، اقورە، سەمىزبۇعى دەگەن جەرلەر تۇگەل جانىپ كەتتى، دەپ حابارلايدى “ادىرنا” ۇلتتىق پورتالى.
ءورتتى ءسوندىرۋ ءۇشىن بەس-التى ءورت ءسوندىرۋ ماشيناسى، 200 ادامداي ەرىكتىلەر جۇمىلدىرىلدى. قالىڭ ءورتتىڭ ورتاسىندا باياناۋىل اۋدانىنىڭ اكىمى دە ءجۇرىپتى.
اۋىل تۇرعىندارىنىڭ ايتۋىنشا سول كۇندەرى جەلدىڭ سوعىسى جىلدام بولعان. الايدا وعان قاراماستان، 40 جىلدىق، جاياۋ مۇسا، قانىش ساتباەۆ، مۇرىمتال، تەڭدىك اۋىلدارىنان ەرىكتىلەر جۇمىلىپ، ءورت ءسوندىرىپتى. اۋىل ايەلدەرى تاماق ازىرلەپ، ەرىكتىلەردى قولداعان. جەدەل جەردەم كولىكتەرى دە وقيعا ورنىنان الىستامادى.
”ادىرنا” ۇلتتىق پورتالى
