قاراعاندىدا ەر ادام ءوزىنىڭ باۋىرىن اياۋسىز سوققىعا جىققان، دەپ حابارلايدى "ادىرنا" ۇلتتىق پورتالى Azattyq Ruhy-نا سىلتەمە جاساپ.
جاعا ۇستاتارلىق وقيعا قاراعاندى وبلىسىنىڭ قۋشوقى اۋىلىندا بولعان. كوپقاباتتى ءۇيدىڭ اۋلاسىندا ەر ادامنىڭ كۇندىزگى ۋاقىتتا وزگە ادامدى اياۋسىز ۇرىپ جاتقان بەينەسى تاراعان. كادردا ەر ادامنىڭ تەمىر قۇبىردى سىلتەگەنى دە انىق بايقالعان.
بەلگىلى بولعانداي بۇل وقيعا كوپشىلىكتىڭ الدىندا بولعان. قاراعاندى وبلىسىنىڭ پوليتسيا دەپارتامەنتىنىڭ ءباسپاسوز قىزمەتى ءمان-جايدى مالىمدەدى.
«بۇقار جىراۋ اۋدانى، قۋشوقى اۋىلىنداعى كوپقاباتتى تۇرعىن ءۇيدىڭ اۋلاسىندا بۇزاقىلىق جاساعانى ءۇشىن پوليتسيا قىزمەتكەرلەرى 28 جاستاعى ازاماتتى انىقتاپ، ۇستادى. بۇزاقىلىق ارەكەتكە قاتىسۋشىلار اعايىندى بولىپ شىقتى. بۇل فاكتى بويىنشا قىلمىستىق ءىس قوزعالدى»، - دەپ اتاپ ءوتتى قاراعاندى وبلىسى پد.
