وقۋ-اعارتۋ ءمينيسترى عاني بەيسەمباەۆتىڭ مەكتەپ وقۋشىلارىنىڭ حيدجابىنا بايلانىستى ايتقان پىكىرءى الەۋمەتتىك جەلىدە سىنعا قالدى. سودان تۋىنداعان سۇراقتاردى ەلىمىزگە بەلگىلى ۇستازدارعا قويىپ كوردىك.
كەشەگى ۇكىمەت وتىرىسىنان كەيىن تىلشىلەردىڭ حيدجاپ تۋرالى سۇراعىنا وقۋ-اعارتۋ ءمينيسترى عاني بەيسەمباەۆ «زايىرلى مەملەكەت بولعاننان كەيىن زايىرلى مەملەكەتتىڭ زاڭىن ورىنداۋعا ءتيىستىمىز. جالپى، ءبىز مەكتەپتە ءبىلىم داعدىلارىن قالىپتاستىرعان كەزدە ءبىزدىڭ مەملەكەتتىڭ زاڭدارىنا سايكەس، وقۋ پروتسەسى سول جەردەگى ۇدەرىستە جۇرگىزىلۋ كەرەك. سوندىقتان دا زاڭ قاي مەملەكەتتىك ورگاندا بولسا دا قاتاڭ ساقتالۋعا ءتيىستى. ءبىز وسى زاڭ جولىمەن جۇرەتىن بولامىز»، - دەگەن. مينيستر جاۋابىنان كەيىن دە ساۋالدار تۋىنداعان.
ايتا كەتۋ كەرەك، بەيسەمباەۆ مىرزا بيىل مينيستر رەتىندە ءبىرىنشى رەت وقۋ جىلىن قارسى الماق.
«بۇگىن – حيدجاب، ەرتەڭ جۇما نامازى ما؟»
«زياتكەر-ۇستاز» قوعامدىق بىرلەستىگىنىڭ توراعاسى ءومىر شىنىبەكۇلىنىڭ ايتۋىنشا، مينيسترگە حيدجاپتى جاقتايتىندار قىسىم جاساۋى مۇمكىن. ۇستاز ءالەۋمەتتىك جەلىدە تاراعان ۆيدەودا بەيسەمباەۆتىڭ تايساقتاپ تۇرعانىن بايقاعانىن اڭعارعان.
- مەنىڭ ويىمشا، عاني بەيسەمباەۆ دىندارلارعا بايلانىسى جوق «سۆەتسكي» ادام سەكىلدى. وعان قىسىم جاساپ جاتقان ءبىر كۇشتەر بار سەكىلدى. مۇنىڭ انىعىن اللا بىلەدى. ءمينيستردىڭ تايساقتاپ تۇرعانىنا قاراساق, ەلدە اسىرەدىنشىلدەردىڭ دەسى باسىم بولىپ كەتكەن سەكىلدى. بىراق ولاردى قولمەن ەشكىم ۇستاپ العان جوق. بيلىكتىڭ جوعارى باسشىلىعىندا سولارعا بۇيرەك بۇراتىن ادامدار بار دەيدى عوي, - دەيدى ءومىر شىنىبەكۇلى.
- ال ەندى حيدجاپقا كەلەتىن بولساق, بىزدە ارنايى بەكىتىلگەن مەكتەپ فورماسى بار. ەگەر ءار ءدىن وكىلى ءوزىنىڭ كيىمىن كيە بەرەتىن بولسا, وندا نە بولادى؟ مەكتەپتەن كەيىن بىلگەندەرىن ىستەسىن، ءوز قالاۋى بويىنشا جۇرۋىنە بولادى. ايتسە دە اتا زاڭدا «زايىرلى مەملكەتءپىز» دەپ انىق جازىلىپ تۇر عوي. ودان ارتىق نە كەرەك؟ ەگەر حيدجاپقا رۇقسات بەرەتىن بولساق، مەكتەبىمىزدى ۇستاي الماي قالامىز. ءبالەءنىڭ ءبارى مەكتەپتەن باستالادى. بۇگىن حيدجابقا رۇقسات بەرسە، ەرتەڭ جۇما نامازىن وقۋعا رۇقسات بەرەدى. ەگەر ءبىز كوستيتۋتسياعا قايشى ءبىر ارەكەتكە رۇقسات بەرەتىن بولسا، مۇنى ۇستاي الماي قالامىز، – دەيدى ول.
ءومىر شىنىبەكۇلى كەزىندە بۇرىنعى مينيسترمەن دە، قازىرگى مينيسترىمەن دە جۇزدەسكەنىن ايتادى.
- اسحات ايماعامبەتوۆپەن دە، عاني بەيسەمباەۆپەن دە كەزدەسكەن بولاتىنمىن. ەكەۋى ءبىر بىرىنە ۇقسامايتىن ادامدار. بۇل جەردە مىنەز ەمەس، قالاي بولعاندا دا زاڭ ساقتالۋ كەرەك. بالاباقشادان باستاپ، مەكتەپ، جوعارى وقۋ ورىندارى ءبىزدىڭ كونستيتۋتسيامىزعا باعىنۋ كەرەك. ونىڭ شەگىنەن شىعۋعا بولمايدى. ساياسي رەفورما بولماسا,مينيسترلەردىڭ باستارى بايلاۋلى ەكەنىن كورىپ وتىرمىز عوي. ول ءۇشىن سوتتان باستاپ دەپۋتاتتارعا دەيىن تاۋەلسىز بولۋى كەرەك، – دەيدى ول.
«18 جاستان كەيىن ءوز ەركى..»
ال بەلسەندى ۇستازداردىڭ ءبىرى ايمان ساعيدۋللا مەكتەپ وقۋشىلارىنىڭ حيدجاپ كيگەنىن قولدامايتىنىن ايتادى.
- مەن مەكتەپتە وقۋشىلاردىڭ حيدجاپ كيۋءىنەقارسىمىن. مەكتەپ مەملەكەتتىك مەكەمە ءارى ءبىز زايىرلى مەملەكەتتە ءومىر سۇرەتىنىمىزدى ۇمىتپاۋىمىز كەرەك. قالاسا, حيدجاپتى ۇيىندە,نەمەسە كوشەدە كيسىن، بىراق 18 جاسقا دەيىنگى مەكتەپ وقۋشىسىنا حيدجاپ كيگىزۋ دۇرىس ەمەس. مەملەكەتتىڭ ارنايى زاڭمەن بەكىتىپ بەرگەن مەكتەپ فورماسى بار، وقۋشىلار سول كيىمدى كييۋءى كەرەك. ويتكەنى بالا ءوز ەركىمەن كيىپ جاتىر ما، جوق الدە زورلىقپەن كيىپ جاتىر ما، ءبىز ونى انىق بىلمەيمىز. وز ويى ءالى دۇرىس قالىپتاسپاعان 18 جاسقا دەيىنگى بالا اتا-انانىڭ ىقپالىمەن جۇرەدى. ال 18 جاستان كەيىن حيدجاپ كيە مە، كيمەي مە، ول جاعىن ءوزى بىلەدى, – دەيدى ۇستاز.
سونداي-اق ول عاني بەيسەمباەۆ وقۋ-اعارتۋ ءمينيسترى بولىپ كەلگەلى، اتالعان ۆەدومستۆانىڭ ەسىگى «جابىلىپ» قالعانىن ايتادى. سوندىقتان دا ول اسحات ايماعامبەتوۆ پەن عاني بەكتايۇلىن سالىستىرۋعا بولمايتىنىن ەسكەرتتى.
- الەۋمەتتىك جەلىدە قانشاما ماسەلەءنى كوتەرىپ،جازىپ جاتىرمىز، بىراق جاڭا مينيستر ءبىر دە بىرەۋىنە جاۋاپ بەرگەن ەمەس. جاۋاپ بەرۋگە قۇزىرەتى جەتپەي مە، جوق الدە مەنسىنبەي مە، ول جاعىن ناقتى بىلمەيمىن. ول كىسى مۇلدە جابىق بولىپ وتىر. بەلسەندى مۇعالىم رەتىندە قانشا ماسەلە كوتسەرسەك تە ول جاۋاپسىز قالىپ جاتىر, - دەيدى ايمان ساعيدۋللا.
- شىنى كەرەك, اسحات ايماعامبەتوۆ پەن عاني بەيسەمباەۆتى سالىستىرساق، ەكەۋى اسپان مەن جەردەي. جالپى ەكى ازاماتتى مينيستر رەتىندە سالىستىرۋدىڭ ءوزى دۇرىس ەمەس. ويتكەنى ەكەۋىنىڭ ءىس-ءارەكەتى اسپان مەن جەردەي. ايماعامبەتوۆ كوپ نارسەنى شەشۋگە، حالىقپەن ديالوگتا بولۋعا ۇمىتىلدى، ال قازىرگى مينيستردە ونداي تالپىنىس جوق, – دەيدى بەلسەندى ۇستاز.
سەرىك جولداسباي
«ادىرنا» ۇلتتىق پورتالى
