اقپارات جانە قوعامدىق دامۋ ءمينيسترى دارحان قىدىرالى مىسىر اراب رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى مانال ەل-ءشينناۆيدى قابىلدادى، دەپ حابارلايدى “ادىرنا” ۇلتتىق پورتالى.
كەزدەسۋگە قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى قانات تۋمىش تا قاتىسىپ، ءوز ويىن ورتاعا سالدى.
كەزدەسۋ بارىسىندا دارحان قىدىرالى مينيسترلىك جەتەكشىلىك ەتەتىن سالالارعا قاتىستى جۇرگىزىلىپ جاتقان جۇمىستار تۋرالى حاباردار ەتتى.
تاراپتار ەكى ەل اراسىنداعى سالالىق باعىتتار بويىنشا ىنتىماقتاستىقتى نىعايتۋ، مەديا، ءدىن، جاستار سالاسىندا ورتاق جوبالار جاساۋ، ءوزارا تاجىريبە الماسۋ ماسەلەلەرىن تالقىلادى.
سونىمەن قاتار، نۇر-مۇباراك ەگيپەت يسلام مادەنيەتى ۋنيۆەرسيتەتىنە قاتىستى، ونىڭ الداعى قامقورشىلار كەڭەسىنىڭ وتىرىسىن وتكىزۋ جونىندە پىكىر الماستى.
مينيستر دارحان قىدىرالى ۇلى دالانىڭ داڭقتى پەرزەنتى سۇلتان بەيبارىستىڭ 800 جىلدىعىنا وراي ارنايى دەرەكتى فيلم ءتۇسىرىلىپ، ۇلكەن زەرتتەۋ ەڭبەگى ازىرلەنىپ جاتقانىن اتاپ ءوتتى. سونداي-اق، مىسىر تاراپىن الدا وتەتىن حالىقارالىق ۆولونتەرلەر فورۋمىنا شاقىردى.
ءوز كەزەگىندە مىسىر ەلشىسى مانال ەل-شينناۆي سۇلتان بەيبارىستىڭ 800 جىلدىق مەرەيتويىن كەڭ كولەمدە اتاپ وتۋگە اتسالىسۋعا نيەتتى ەكەنىن جەتكىزدى. سونىمەن بىرگە، جان-جاقتى ىنتىماقتاستىقتى ودان ءارى دامىتۋعا جانە بىرلەسكەن جوبالاردى ىسكە اسىرۋعا دايىن ەكەنىن ايتتى.
