اقپارات جانە قوعامدىق دامۋ ءمينيسترى دارحان قىدىرالى بيلىكتى قاتاڭ سىناپ جۇرگەن جۋرناليست دۋمان مۇحامەدكارىمنىڭ ىسىنە قاتىستى پىكىر ءبىلدىردى، دەپ حابارلايدى «ادىرنا» ءتىلشىسى ازاتتىققا سىلتەمە جاساپ.
«ونىڭ ۇستىنەن ءوزىنىڭ جۋرناليستىك قىزمەتى ءۇشىن ەمەس، ساياسي كوزقاراسى ءۇشىن قازىر ءىس قوزعالىپ وتىر. بۇل جەردە ونىڭ جۋرناليستىك قىزمەتىنە كەرەعار شەكتەۋ قويىلىپ جاتقان جوق. ول سانالى تۇردە ساياسي كوزقاراسى ءۇشىن وسىنداي قادامعا بارىپ وتىر»،—دەپ ءتۇسىندىردى باسقارما باسشىسى.
ال ءجۋرناليستىڭ ادۆوكاتى عالىم نۇرپەيىسوۆتىڭ ايتۋىنشا، بەلسەندىگە جاڭا ايىپ تاعىلعان.
«دۋمان مۇحاممەدكارىمگە قاتىستى 258-باپتىڭ 1-بولىگى بويىنشا ءىس قوزعالدى. بۇعان دەيىن قوزعالعان 405-باپپەن بىرىكتىرىلىپ جاتىر. نەگىزگى ءىس 258-باپپەن جۇرەدى. بىزدە جاڭا عانا 258-باپ بويىنشا قوزعالعان ءىس اياسىندا جاۋاپ الىندى. دۋمان قورعانۋعا قۇقىعى بار كۋا رەتىندە سۇراقتارعا جاۋاپ بەردى. ءىس ابليازوۆپەن بولعان سۇحباتقا قاتىستى. وزگە اقپارات ايتا المايمىن»،—دەدى ول.
ەسكە سالايىق، 28 مامىردا قوناەۆ سوتى «بەيبىت جيىن وتكىزۋ ءتارتىبىن بۇزدى» (488-باپ، 12-بولىگى) دەگەن ايىپپەن
دۋمان مۇحاممەدكارىمدى 25 تاۋلىككە قاماعان ەدى. الايدا باق وكىلى سوت شەشىمىنە قارسىلىق ءبىلدىرىپ، اشتىق جاريالادى. بۇعان دەيىن ونىڭ جاقتاستارى 28 مامىردا ءجۋرناليستىڭ زاڭسىز ۇستالۋىنا بايلانىستى قۇقىق قورعاۋ ورگاندارىنان تەكسەرىس جۇرگىزۋدى تالاپ ەتتى. پوليتسيا وكىلدەرى تەكسەرىس جالعاسىپ جاتقانىن حابارلادى.
