Aqparat jáne qoǵamdyq damý mınıstri Darhan Qydyráli Mysyr Arab Respýblıkasynyń Qazaqstandaǵy Tótenshe jáne Ókiletti Elshisi Manal El-Shınnavıdi qabyldady, dep habarlaıdy “Adyrna” ulttyq portaly.
Kezdesýge Qazaqstan Respýblıkasy Syrtqy ister mınıstriniń orynbasary Qanat Týmysh ta qatysyp, óz oıyn ortaǵa saldy.
Kezdesý barysynda Darhan Qydyráli mınıstrlik jetekshilik etetin salalarǵa qatysty júrgizilip jatqan jumystar týraly habardar etti.
Taraptar eki el arasyndaǵy salalyq baǵyttar boıynsha yntymaqtastyqty nyǵaıtý, medıa, din, jastar salasynda ortaq jobalar jasaý, ózara tájirıbe almasý máselelerin talqylady.
Sonymen qatar, Nur-Múbarak Egıpet ıslam mádenıeti ýnıversıtetine qatysty, onyń aldaǵy Qamqorshylar keńesiniń otyrysyn ótkizý jóninde pikir almasty.
Mınıstr Darhan Qydyráli Uly dalanyń dańqty perzenti Sultan Beıbarystyń 800 jyldyǵyna oraı arnaıy derekti fılm túsirilip, úlken zertteý eńbegi ázirlenip jatqanyn atap ótti. Sondaı-aq, Mysyr tarapyn alda ótetin Halyqaralyq volonterler forýmyna shaqyrdy.
Óz kezeginde Mysyr elshisi Manal El-Shınnavı Sultan Beıbarystyń 800 jyldyq mereıtoıyn keń kólemde atap ótýge atsalysýǵa nıetti ekenin jetkizdi. Sonymen birge, jan-jaqty yntymaqtastyqty odan ári damytýǵa jáne birlesken jobalardy iske asyrýǵa daıyn ekenin aıtty.
