مەملەكەت باسشىسىنىڭ جارلىعىمەن دارحان قىدىرالى اقپارات جانە قوعامدىق دامۋ ءمينيسترى لاۋازىمىنا تاعايىندالدى، دەپ حابارلايدى “ادىرنا” ۇلتتىق پورتالى.
بۇرىن بۇل لاۋازىمدا اسقار وماروۆ بولعان.
ال اسقار قۋانىشۇلى وماروۆ پرەزيدەنت جانىنداعى «ورتالىق كوممۋنيكاتسيالار قىزمەتى» رمم ديرەكتورى لاۋازىمىنا تاعايىندالدى.
دارحان قۋاندىقۇلى قىدىرالى (16 ءساۋىر 1974 جىلى، تۇلكىباس اۋدانى، وڭتۇستىك قازاقستان وبلىسى) — تاريح عىلىمدارىنىڭ دوكتورى، اكادەميك (2017), حالىقارالىق تۇركى اكادەمياسىنىڭ پرەزيدەنتى (2014 جىلدان).
2007-2008 ج. قازاقستان رەسپۋبليكاسى ءبىلىم جانە عىلىم مينيسترلىگىندە ءمينيستردىڭ كەڭەسشىسى;
2008-2009 ج. قازاقستان رەسپۋبليكاسى پرەزيدەنتى اكىمشىلىگىندە ساراپشى، سەكتور مەڭگەرۋشىسى رەتىندە قىزمەت اتقارعان;
2009-2012 جىلدار اراسىندا قازاقستان رەسپۋبليكاسى پرەزيدەنتى ءباسپاسوز حاتشىسىنىڭ ورىنباسارى بولعان;
2012 -2014 جىلدارى تۇركى كەڭەسى باس حاتشىسىنىڭ ورىنباسارى بولىپ قىزمەت اتقاردى;
2014 جىلدان باستاپ حالىقارالىق تۇركى اكادەمياسىنىڭ پرەزيدەنتى;
2016 جىلدىڭ شىلدەسىنەن «ەگەمەن قازاقستان» رەسپۋبليكالىق گازەتى» اكتسيونەرلىك قوعامىنىڭ باسقارما توراعاسى;
2021 جىلى ەگەمەن قازاقستان» اكتسيونەرلىك قوعامىنىڭ باسقارما توراعاسى بولدى.
“ادىرنا” ۇلتتىق پورتالى
