ەلىمىزدە جاستار ساناتىن 35 جاسقا دەيىن ۇلعايتۋ جوسپارلانۋدا. بۇل تۋرالى اقپارات جانە قوعامدىق دامۋ ءمينيسترى دارحان قىدىرالى اقتاۋ قالاسىندا جاستارمەن كەزدەسۋ بارىسىندا ايتتى، دەپ حابارلايدى “ادىرنا” ءتىلشىسى.
ايتۋىنشا، مينيسترلىك «مەملەكەتتىك جاستار ساياساتى تۋرالى» قازاقستان رەسپۋبليكاسى زاڭىنىڭ جوباسىن ازىرلەگەن. بۇل جوبا ماجىلىستە ماقۇلدانىپ، سەناتقا ەنگىزىلدى.
زاڭ جوباسى مەملەكەتتىك ورگانداردىڭ باعىتتارىمەن جانە قۇزىرەتتەرىمەن تولىقتىرىلدى. وسى زاڭنىڭ نەگىزگى جاڭالىقتارىنىڭ ءبىرى جاستار ساناتىن 35 جاسقا دەيىن ۇلعايتۋ بولادى. وسىلايشا، جاستاردى مەملەكەتتىك قولداۋ اياسى 2 ەسەگە جۋىق (3,7 ملن ادامنان 6 ملن ادامعا دەيىن) كەڭەيەدى.
اتالعان زاڭ جوباسىندا جاستاردىڭ دامۋ يندەكسى ەنگىزىلىپ، جاستاردىڭ الەۋمەتتىك قىزمەتتەرى مەن NEET ساناتىنداعى جاستارعا قۇقىقتى مارتەبە بەرۋ قاراستىرىلىپ وتىر.
