ينتەرنەتتە ۋكراينا، قىتاي جانە تاياۋ شىعىس ەلدەرىنە قاتىستى، سونداي-اق تەرروريزمگە قارسى تاقىرىپتى ارقاۋ ەتكەن امەريكالىق قۇپيا قۇجاتتار جاڭا لەگى جارىق كوردى. بۇل تۋرالى The New York Times گازەتى حابارلادى، دەپ جازدى "ادىرنا" ۇلتتىق پورتالى.
باسىلىمنىڭ حابارلاۋىنشا، اقپاراتتار لەگى 100-دەن استام قۇپيا قۇجاتتاردى قامتيدى. ولار Twitter-دە جانە باسقا الەۋمەتتىك جەلىلەردە جارىق كورگەن. قۇجاتتاردىڭ ءبىرى، مىسالى، باحمۋتتاعى سوعىس كارتاسى ءانونيمدى 4chan فورۋمىندا جارىققا شىققان، دەپ حابارلايدى NYT. ال قۇجاتتاردىڭ ءبىرى لەگى 23 اقپاندا دايىلدالىپ، "قۇپيا" نىشانىمەن بەلگىلەنگەن.
- مۇنىمەن قوسا بىرىكتىرىلگەن فايلدار اراسىندا قىتاي مەن تاياۋ شىعىسقا قاتىستى وتكەن جۇمباق بريفينگتەردىڭ سلايدتارى تابىلدى، - دەيدى گازەت ساۋالناماسىنا قاتىسقان ساراپشىلار.
باسىلىم باسىن قۇراعان ساراپشىلار قۇپيا قۇجاتتار لەگىنىڭ الەم ەلدەرىنە، سونىڭ ىشىندە ۋكراينا اسكەري جوسپارىنىڭ ويداعىداي ورىندالۋىنا نۇقسان كەلتىرەتىنىن حابارلادى.
اقش ادىلەت مينيسترلىگى بۇل جاعداي بويىنشا تەرگەۋدى باستاعانىن جانە پەنتاگونمەن [اقش قورعانىس مينيسترلىگى] بايلانىستا ەكەندىگىن جەتكىزدى.
ءداپ سول كۇنى The New York Times گازەتى پەنتاگوننىڭ Twitter-دەگى قۇپيا قۇجاتتاردى، اسىرەسە اقش پەن ناتو-نىڭ ۋكراين كۇشتەرىنىڭ "قولتىعىنا سۋ بۇركەۋگە" قاتىستى قۇپيا جوسپارلارىن ەگجەي-تەگجەيلى سيپاتتايتىن قۇجاتتاردى تاپقانىن حابارلادى. گازەت عالامتور الاڭىنا "شاشىراپ تۇسكەن" اقپاراتتار لەگىنىڭ اراسىندا قارۋ-جاراق جەتكىزۋ كەستەلەرى مەن اسكەر سانى تۋرالى اقپارات بار دەپ مالىمدەلدى.
ۋكراينا پرەزيدەنتى كەڭسەسى باسشىسىنىڭ كەڭەسشىسى ميحايل پودولياك الەۋمەتتىك جەلىگە تاراعان قۇجاتتاردى فوتوشوپ جانە "جالعان اقپار" دەپ ايىپتاپ، باسىن الىپ قاشقان. الايدا، The New York Times گازەتى دەرەككوزدەرگە سىلتەمە جاساي وتىرىپ، الەمدىك قۇبىلىستىڭ استارىندا كۇشتىك قۇرىلىمداردىڭ ىقپالى جاتقانىن جازىپ وتىر.
"ادىرنا" ۇلتتىق پورتالى
