Internette Ýkraına, Qytaı jáne Taıaý Shyǵys elderine qatysty, sondaı-aq terrorızmge qarsy taqyrypty arqaý etken amerıkalyq qupııa qujattar jańa legi jaryq kórdi. Bul týraly The New York Times gazeti habarlady, dep jazdy "Adyrna" ulttyq portaly.
Basylymnyń habarlaýynsha, aqparattar legi 100-den astam qupııa qujattardy qamtıdy. Olar Twitter-de jáne basqa áleýmettik jelilerde jaryq kórgen. Qujattardyń biri, mysaly, Bahmýttaǵy soǵys kartasy anonımdi 4chan forýmynda jaryqqa shyqqan, dep habarlaıdy NYT. Al qujattardyń biri legi 23 aqpanda daıyldalyp, "Qupııa" nyshanymen belgilengen.
- Munymen qosa biriktirilgen faıldar arasynda Qytaı men Taıaý Shyǵysqa qatysty ótken jumbaq brıfıngterdiń slaıdtary tabyldy, - deıdi gazet saýalnamasyna qatysqan sarapshylar.
Basylym basyn quraǵan sarapshylar qupııa qujattar leginiń álem elderine, sonyń ishinde Ýkraına áskerı josparynyń oıdaǵydaı oryndalýyna nuqsan keltiretinin habarlady.
AQSh Ádilet mınıstrligi bul jaǵdaı boıynsha tergeýdi bastaǵanyn jáne Pentagonmen [AQSh qorǵanys mınıstrligi] baılanysta ekendigin jetkizdi.
Dáp sol kúni The New York Times gazeti Pentagonnyń Twitter-degi qupııa qujattardy, ásirese AQSh pen NATO-nyń ýkraın kúshteriniń "qoltyǵyna sý búrkeýge" qatysty qupııa josparlaryn egjeı-tegjeıli sıpattaıtyn qujattardy tapqanyn habarlady. Gazet ǵalamtor alańyna "shashyrap túsken" aqparattar leginiń arasynda qarý-jaraq jetkizý kesteleri men ásker sany týraly aqparat bar dep málimdeldi.
Ýkraına Prezıdenti Keńsesi Basshysynyń keńesshisi Mıhaıl Podolıak áleýmettik jelige taraǵan qujattardy fotoshop jáne "jalǵan aqpar" dep aıyptap, basyn alyp qashqan. Alaıda, The New York Times gazeti derekkózderge silteme jasaı otyryp, álemdik qubylystyń astarynda kúshtik qurylymdardyń yqpaly jatqanyn jazyp otyr.
"Adyrna" ulttyq portaly
