كوروناۆيرۋستان 2744 ناۋقاس كوز جۇمدى

3067
Adyrna.kz Telegram

قىتايدا كوروناۆيرۋستىڭ جاڭا تيپىنە شالدىققاندار سانى 78497 ادامعا جەتىپ، قايتىس بولعاندار سانى 2744 ادامدى قۇرادى.

بۇل تۋرالى 27 اقپاندا قحر دەنساۋلىق ساقتاۋ ماسەلەلەرىنە جاۋاپتى مەملەكەتتىك كوميتەت حابارلادى.

سوڭعى دەرەكتەرگە سۇيەنسەك، اۋرۋحانادان جازىلىپ شىققاندار سانى - 32495.

ءبىر تاۋلىكتە 29 ادام قايتىس بولدى، 433 ادام ۆيرۋس جۇقتىردى جانە 2750 ادام جازىلىپ شىقتى.

جاقىندا ددسۇ باس ديرەكتورى تەدروس ادحانوم گەبرەيەسۋس قىتايدا اۋرۋعا شالدىققاندار سانى تومەندەيدى دەپ مالىمدەگەن بولاتىن. سوڭعى كەزدە COVID-19 ەپيدەمياسى ءوزىنىڭ ەڭ شەكتى دەڭگەيىنە جەتىپ، اۋىرعاندار سانى ازايا باستاعانى بايقالادى.

وتكەن تاۋلىكتە الەم ەلدەرىندە كوروناۆيرۋستان قايتىس بولعاندار سانى قىتايداعى كورسەتكىشتەن اسىپ ءتۇستى.

ەۋروپا ەلدەرى اراسىندا COVID-19 ۆيرۋسىن جۇقتىرعان سانى جاعىنان يتاليا الدىڭعى ورىندا تۇر. وندا 400 ادامنىڭ اۋرۋعا شالدىققانى انىقتالدى.

پىكىرلەر