اقش تايۆاندى قارۋلاندىرۋدى توقتاتۋى كەرەك. بۇل تۋرالى قىتاي توراعاسى سي تسزينپين مالىمدەدى، دەپ حابارلايدى “ادىرنا” ۇلتتىق پورتالى.
امەريكا قۇراما شتاتتارى «تايۆان تاۋەلسىزدىگىن» قولداماۋ، تايۆانعا قارۋ-جاراق بەرۋدى توقتاتۋ جانە قىتايدى بەيبىت جولمەن بىرىكتىرۋدى قولداۋ تۋرالى ۋادەلەرىن ورىنداۋ ءۇشىن ءىس جۇزىندە ارەكەت ەتۋى كەرەك، دەدى قىتاي توراعاسى سي تسزينپين.
ال بايدەن ەكى ەل اراسىنداعى باسەكەلەستىك قاقتىعىسقا اكەلمەۋى كەرەك ەكەنىن ايتتى.
اقش پرەزيدەنتى دجو بايدەن مەن قىتاي توراعاسى سي تسزينپين ازيا-تىنىق مۇحيتى ەكونوميكالىق ىنتىماقتاستىعى ءسامميتى الدىندا سان-فرانتسيسكودا كەزدەسىپ، قول الىستى.
امەريكالىق كوشباسشىنىڭ ايتۋىنشا، اقش پەن قىتاي ەكى ەل اراسىنداعى باقتالاستىق قاقتىعىسقا الىپ كەلمەيتىنىنە كوز جەتكىزۋى كەرەك.
اق ۇيلەگى كەزدەسۋدىڭ ماقساتى اسكەريلەر اراسىنداعى بايلانىس ارنالارىن قالپىنا كەلتىرۋ ەكەنىن ايتتى.
ايتا كەتەيىك، وتكەن جىلى پالاتانىڭ سول كەزدەگى سپيكەرى نەنسي پەلوسي تايۆانعا بارعاننان كەيىن بەيجىڭ اقش-پەن اسكەري بايلانىسىن ۇزگەن بولاتىن.
