سوڭعى تاۋلىكتە قىتايدىڭ حۋبەي قالاسىندا 28 ادام قاۋىپتى ۆيرۋستان كوز جۇمعان. جالپى الەم بويىنشا كوروناۆيرۋستان ولگەندەر سانى 3455-كە جەتتى، دەپ حابارلايدى adyrna.kz ربك-گە سىلتەمە جاساپ.
دەگەنمەن قىتايدا ۆيرۋستى جۇقتىرعاندار سانى كۇن ساناپ ازايىپ كەلەدى. قحر دەنساۋلىق ساقتاۋ جونىندەگى كوميسسيانىڭ مالىمەتىنشە، 6 ناۋرىز كۇنى ەلدە 99 ادام كوروناۆيرۋس جۇقتىرعانى انىقتالعان، بۇل وتكەن كۇنگە قاراعاندا 44 ادامعا كەم.
قىتاي بيلگى سونداي-اق تاۋلىك ىشىندە 1678 ناۋقاستىڭ جازىلىپ شىققانىن جانە 4873 ادامنىڭ كارانتيننەن بوساتىلعانىن مالىمدەدى.
SCMP باسلىمىنىڭ مالىمەتىنشە، الەم بويىنشا 100,7 مىڭ ادام كوروناۆيرۋس جۇقتىرعان. 3455-ءسى كوز جۇمسا، 55 مىڭ جازىلىپ شىققان. ۆيرۋستان مەرت بولعانداردىڭ باسىم كوپشىلىگى قىتاي ازاماتتارى.
كوروناۆيرۋستان ولگەندەر سانى بويىنشا ەكىنشى ورىندا يتاليا تۇر. وندا - 197 ادام مەرت بولعان، يراندا -124, وڭتۇستىك كورەيادا – 42 جانە اقش-تىڭ 14 تۇرعىنى قاۋىپتى ۆيرۋستان ولگەن.
ال، رەسەيدە سوڭعى تاۋلىكتە 6 ادامنىڭ كوروناۆيرۋس جۇقتىرعانى انىقتالدى. جالپى ەل بويىنشا ۆيرۋس جۇقتىرعاندار سانى 10, ولاردىڭ جەتەۋى يتاليادان ورالعان ەل ازاماتتارى.
قازاقستاندا كوروناۆيرۋس جۇقتىرۋ جاعدايى تىركەلمەگەن. ەلدەگى مەديتسينا ۇيىمدارى ىندەت تاتارعان ايماقتان كەلگەن ازاماتتاردىڭ دەنساۋلىعىن تەكسەرۋ جۇمىستارىن ءالى دە جالعاستىرۋدا. كوروناۆيرۋس جايلى رەسمي مالىمەتتى قر دەنساۋلىق ساقتاۋ مينيسترلىگىنىڭ سايتىنان نەمەسە 1406 سەنىم تەلەفونىنا حابارلاسۋعا بولادى.
