ماڭعىستاۋ وبلىسى جەتىباي اۋىلىنداعى جۇمىسسىزدار اشتىق اكتسياسىن توقتاتتى. بۇل تۋرالى وبلىس اكىمدىگى مالىمدەدى، دەپ حابارلايدى “ادىرنا” ۇلتتىق پورتالى.
"جەرگىلىكتى اتقارۋشى ورگاندار جۇرگىزگەن ءتۇسىندىرۋ جۇمىستارىنان كەيىن قاتىسۋشىلار ءوز ارەكەتىن توقتاتۋ تۋرالى شەشىم قابىلدادى. جەرگىلىكتى اتقارۋشى ورگاندار، قوعام بەلسەندىلەرى مەن بارلىق دەڭگەيدەگى ءماسليحات دەپۋتاتتارى ماڭعىستاۋ وبلىسىندا حالىقتى جۇمىسپەن قامتۋ ماسەلەلەرىن شەشۋ بويىنشا الداعى جۇمىستاردى جالعاستىرادى", - دەپ حابارلادى اكىمدىك.
ەسكە سالا كەتەيىك، ماڭعىستاۋ وبلىسىنداعى جەتىباي اۋىلىنىڭ جۇمىسسىز تۇرعىندارى 27 ناۋرىز كۇنى اشتىق جاريالاپ، مۇناي سالاسىنا جۇمىسقا تۇرعىزۋدى تالاپ ەتكەن بولاتىن.
