اقتاۋداعى سايلاۋ ۋچاسكەلەرىنىڭ بىرىندە ەرەكشە ءارى كوپشىلىككە جاقسى تانىس قوناقتار - تانىمال «اعايىندى سۋپەر ماريو» ءمۋلتفيلمىنىڭ كەيىپكەرلەرى ءوز ازاماتتىق تاڭداۋىن جاسادى.
كەيىپكەرلەر داۋىس بەرۋگە قاتىسىپ، مەرەكەلىك كوڭىل كۇي سىيلاۋ ءۇشىن سايلاۋ ۋچاسكەسىنە كەلدى. ولاردىڭ جارقىن كوستيۋمدەرى مەن تانىس بەينەلەرى سايلاۋشىلار مەن سايلاۋ كوميسسياسى مۇشەلەرىنىڭ نازارىن بىردەن اۋداردى.
«اعايىندى سۋپەر ماريو» داۋىس بەرىپ قانا قويماي، اينالاسىنداعىلارعا كوتەرىڭكى كوڭىل كۇي سىيلادى. كوپتەگەن سايلاۋشىلار كەيىپكەرلەرمەن قۋانا سۋرەتكە ءتۇستى. اسىرەسە، بالالار بۇل كەزدەسۋگە ەرەكشە قۋاندى.
بۇگىن اقتاۋدىڭ سايلاۋ ۋچاسكەلەرىندە ەرەكشە اتموسفەرا ورناعان: مادەني باعدارلامالار ءوتىپ، مۋزىكا ويناپ، تۇرعىندارعا ارنالعان ءتۇرلى ءىس-شارالار ۇيىمداستىرىلۋدا. «سۋپەر ماريو» كەيىپكەرلەرىنىڭ توسىننان كەلۋى مەرەكەلىك كۇننىڭ تاعى ءبىر جارقىن ساتىنە اينالدى.
وسىلايشا، اقتاۋداعى داۋىس بەرۋ كۇنى ماڭىزدى قوعامدىق-ساياسي وقيعا عانا ەمەس، تۇرعىنداردى بىرىكتىرىپ، بۇكىل وتباسىنا كوتەرىڭكى كوڭىل كۇي سىيلايتىن كۇن رەتىندە وتۋدە.
