ماڭعىستاۋ وبلىسىندا رەفەرەندۋم كۇنى سايلاۋ ۋچاسكەلەرى ماڭىندا ۇلتتىق ويىندار ۇيىمداستىرىلىپ، تۇرعىندارعا ەرەكشە مەرەكەلىك اتموسفەرا سىيلاۋدا.
اتاپ ايتقاندا، №40 سايلاۋ ۋچاسكەسىندە گىر تاسىن كوتەرۋ سپورتى بويىنشا جارىس وتسە، №42 ۋچاسكەدە قول كۇرەسىنەن (ارمرەستلينگ) سايىس ۇيىمداستىرىلدى. ال №44 ۋچاسكەدە توعىزقۇمالاق ويىنىندا زياتكەرلىك ۇلتتىق ويىنعا قىزىعۋشىلىق تانىتقان تۇرعىندار باق سىناۋدا. №45 ۋچاسكەدە اسىق اتۋ جارىسى وتكىزىلىپ، جاستار مەن بالالار بەلسەندى قاتىسۋدا.
ۇيىمداستىرۋشىلاردىڭ ايتۋىنشا، مۇنداي شارالار ۇلتتىق سپورت تۇرلەرىن كەڭىنەن ناسيحاتتاۋعا، سونداي-اق تۇرعىنداردىڭ بوس ۋاقىتىن ءتيىمدى وتكىزۋىنە مۇمكىندىك بەرەدى. سونىمەن قاتار، بۇل باستاما ازاماتتاردىڭ قوعامدىق شارالارعا دەگەن قىزىعۋشىلىعىن ارتتىرىپ، ۇلتتىق داستۇرلەردى دارىپتەۋگە باعىتتالعان.
– رەفەرەندۋم كۇنى تۇرعىندار ۋچاسكەلەرگە كەلىپ، ءوز تاڭداۋلارىن جاساۋمەن قاتار، ۇلتتىق ويىندارعا دا قاتىسىپ جاتىر. مۇنداي ءىس-شارالار حالىقتىڭ بىرلىگىن نىعايتىپ، ۇلتتىق قۇندىلىقتاردى ناسيحاتتاۋعا ۇلكەن ىقپال ەتەدى، – دەدى تۇرعىن.
جارىستا قاتىسۋشىلار ويىن ارقىلى كۇشىن مەن ەپتىلىگىن كورسەتتى.
– مەن گىر تاسىن كوتەرۋ جارىسىنا قاتىستىم. وسىنداي ۇلتتىق سپورتتىق شارالاردىڭ ۇيىمداستىرىلعانى وتە جاقسى باستاما. حالىققا جاقسى كوڭىل-كۇي سىيلايدى، – دەدى جارىسقا قاتىسۋشىلاردىڭ ءبىرى.
ايتا كەتەيىك، مۇنداي مادەني-سپورتتىق ءىس-شارالار تۇرعىنداردىڭ بەلسەندىلىگىن ارتتىرىپ، ۇلتتىق قۇندىلىقتاردى كەڭىنەن ناسيحاتتاۋعا ىقپال ەتەدى.
