ماڭعىستاۋ وبلىسى جاڭاوزەن قالاسىندا «مۋنايسپەتسسناب» جۇمىسشىلارى نارازىلىق اكتسياسىنا شىعىپ، قازاقستان پرەزيدەنتى قاسىم-جومارت توقاەۆقا ۇندەۋ جاسادى. بۇل تۋرالى الەۋمەتتىك جەلىدە ۆيدەولار تارادى، دەپ حابارلايدى “ادىرنا” ۇلتتىق پورتالى.
ۆيدەودا جۇمىسشىلار جۇمىسىن قالپىنا كەلتىرۋدى تالاپ ەتكەن.
«2023 جىلى 1 قاڭتار. «قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ، قازمۇنايگاز باسشى قۇرامىنا، وزەنمۇنايگاز باسشى قۇرامى ماقسات يباعاروۆقا، ماڭعىستاۋ وبلىسىنىڭ اكىمى نۇرلان نوعاەۆقا ۇندەۋ: قازىرگى تاڭدا ءبىزدىڭ جۇمىسىمىزدىڭ توقتاۋىنا بايلانىستى بۇرىنعى تەندەر بويىنشا جۇمىسىمىزدى قالپىنا كەلتىرۋدى سۇرايمىز»، - دەيدى جۇمىسشىلار.
سونىمەن قاتار، ولار وزەنمۇنايگاز كومپانياسىنا قاراستى مەكەمەلەرگە «مۋنايسپەتسسناب» جۇمىسشىلارىنىڭ اتىنان جولداما بەرۋىن سۇرايدى.
