جاڭاوزەندە مەكتەپ تۇلەكتەرى جول اپاتىنا ءتۇستى

جاڭاوزەن قالاسىندا ءۇش اۆتوكولىك قاتىسقان جول-كولىك وقيعاسى تىركەلدى. ونىڭ ەكەۋىندە مەكتەپ ءبىتىرۋشى تۇلەكتەر بولعان، دەپ حابارلايدى “ادىرنا”. پوليتسيانىڭ مالىمەتىنشە، اپات 23 مامىر كۇنى تۇستەن كەيىن بولعان. الدىن الا انىقتالعان دەرەكتەرگە سايكەس، Toyota Hilux پيكاپىنىڭ جۇرگىزۋشىسى (مەكتەپ ءبىتىرۋشى ەمەس) الدىندا كەلە جاتقان Land Cruiser 100 كولىگىن باسىپ وزۋعا ارەكەت جاساعان. الايدا مانەۆر ءساتسىز بولىپ، پيكاپ جول جيەگىنە شىعىپ كەتىپ، Land Cruiser 100 كولىگىمەن سوقتىعىسقان. ءوز كەزەگىندە Land Cruiser 100 ينەرتسيامەن Lexus LX 450 كولىگىنە سوعىلعان. سالدارىنان Toyota Hilux تراسسادان شىعىپ كەتتى. اپاتتان ەشكىم زارداپ شەككەن جوق. Toyota Hilux جۇرگىزۋشىسىنە قر اكىمشىلىك قۇقىق بۇزۋشىلىق تۋرالى كودەكسىنىڭ 610-بابى بويىنشا حاتتاما تولتىرىلدى (جول ءجۇرىسى ەرەجەلەرىن بۇزىپ، كولىك قۇرالدارىنا نەمەسە وزگە دە مۇلىككە زيان كەلتىرۋ نە ادام دەنساۋلىعىنا زاقىم كەلتىرۋ). بۇل باپ بويىنشا 20 ايلىق ەسەپتىك كورسەتكىش (78 640 تەڭگە) كولەمىندە ايىپپۇل سالۋ نەمەسە 6 ايعا دەيىن كولىك جۇرگىزۋ قۇقىعىنان ايىرۋ جازاسى قاراستىرىلعان. كولىك ارنايى ايىپتۇراققا قويىلدى. Lexus LX 450 اۆتوكولىگىندە مەكتەپ ءبىتىرۋشى تۇلەكتەر وتىرعانى انىقتالدى. بۇل اقپاراتتى ماڭعىستاۋ وبلىسىنىڭ ءبىلىم باسقارماسى دا راستادى.