فوتو: اقوردا
ازامات باقىتجانۇلى كەسكىنباەۆ قازاقستان رەسپۋبليكاسى پرەزيدەنتى اكىمشىلىگىنىڭ كولىك-لوگيستيكا سالاسىن دامىتۋ ءبولىمىنىڭ مەڭگەرۋشىسى قىزمەتىنەن بوساتىلدى، دەپ حابارلايدى "ادىرنا" ۇلتتىق پورتالى.
بۇل تۋرالى اقوردا حابارلادى.
مەملەكەت باسشىسىنىڭ وكىمىمەن ول اتالعان لاۋازىمنان بوساتىلعان.
ازامات كەسكىنباەۆ بۇل قىزمەتكە 2025 جىلعى جەلتوقساندا تاعايىندالعان ەدى. ول 1986 جىلى تۇركىستان وبلىسى وتىرار اۋدانىنىڭ ءشاۋىلدىر اۋىلىندا دۇنيەگە كەلگەن. 2009 جىلى ماسكەۋ مەملەكەتتىك ۋنيۆەرسيتەتىن «ماتەماتيكا» ماماندىعى بويىنشا تامامداعان.
2011 جىلى ماسكەۋدەگى جوعارى ەكونوميكا مەكتەبىندە ەكونوميكا ماگيسترى دارەجەسىن العان. 2025 جىلى نازارباەۆ ۋنيۆەرسيتەتى مەن ديۋك ۋنيۆەرسيتەتىنىڭ بىرلەسكەن Executive MBA باعدارلاماسى بويىنشا ماگيستر دارەجەسىن يەلەنگەن. ەڭبەك جولىن 2011 جىلى ماسكەۋدەگى كومپانيالار توبىندا الگوريتمدىك ساۋدا سالاسىنداعى كوماندانىڭ جەتەكشىسى بولىپ باستاعان. 2015–2019 جىلدارى «قازپوشتا» اق-دا باس مەنەدجەر، ستراتەگيا جانە ەكونوميكالىق تالداۋ دەپارتامەنتىنىڭ ديرەكتورى، 2019–2020 جىلدارى ەكونوميكا جانە كەڭەيتىلگەن اناليتيكا دەپارتامەنتىنىڭ ديرەكتورى قىزمەتتەرىن اتقارعان. 2020–2022 جىلدارى «ForteBank» اق-دا قارجىلىق تالداۋ باعىتىن باسقارعان. 2022–2025 جىلدارى «قازپوشتا» اق-نىڭ قارجى جونىندەگى باسقارۋشى ديرەكتورى ءارى باسقارما مۇشەسى بولعان. 2025 جىلعى 23 جەلتوقساندا پرەزيدەنت اكىمشىلىگىنىڭ كولىك-لوگيستيكا سالاسىن دامىتۋ ءبولىمىنىڭ مەڭگەرۋشىسى بولىپ تاعايىندالعان.
ەسكە سالايىق، 3 قاراشادا نۇرلان ساۋرانباەۆ كولىك ءمينيسترى قىزمەتىنەن بوساتىلدى. ونىڭ ورنىنا اسەل جاناسوۆا تاعايىندالدى.
