ايدىن قۇلسەيىتوۆ پرەزيدەنت اكىمشىلىگى الەۋمەتتىك-ەكونوميكالىق مونيتورينگ ءبولىمىنىڭ مەڭگەرۋشىسى بولدى، دەپ حابارلايدى “ادىرنا” ۇلتتىق پورتالى.
ول پرەزيدەنتى اكىمشىلىگىنىڭ ستراتەگيالىق جوسپارلاۋ ءبولىمىنىڭ مەڭگەرۋشىسى لاۋازىمىنان بوساتىلدى.
ايتا كەتەيىك، ايدىن جەڭىسۇلى قۇلسەيىتوۆ 1976 جىلى وسكەمەن قالاسىندا تۋعان.
1997 جىلى – باتىس-قازاقستان مەملەكەتتىك تەحنيكالىق ۋنيۆەرسيتەتىن; 2004 جىلى – قر پرەزيدەنتى جانىنداعى مەملەكەتتىك قىزمەت اكادەمياسىن اياقتاعان. تەحنيكا عىلىمدارىنىڭ كانديداتى.
1996-2000 جىلدارى – كوممەرتسيالىق قۇرىلىمداردا جۇمىس ىستەگەن.
2000-2003 جىلدارى – وسكەمەن قالاسىنىڭ يندۋستريا، ساۋدا جانە شاعىن بيزنەس باسقارماسىنىڭ يندۋستريا جانە ەكولوگيا ءبولىمىنىڭ باس مامانى، باستىعى.
2003-2004 جىلدارى – قر پرەزيدەنتىنىڭ جانىنداعى مەملەكەتتىك قىزمەت اكادەمياسىنىڭ تىڭداۋشىسى.
2004-2008 جىلدارى – يندۋستريا جانە ساۋدا مينيسترلىگىنىڭ تۇتىنۋ تاۋارلار ءبولىمىنىڭ باستىعى، ونەركاسىپتىڭ تاۋ-كەن جانە وڭدەۋ سالالارى باسقارماسىنىڭ، يندۋستريالدىق ساياسات دەپارتامەنتىنىڭ ديرەكتورى، حاتشىلىق – ستراتەگيالىق جوسپارلاۋ جانە جيناقى تالداۋ دەپارتامەنتىنىڭ ديرەكتورى، ەنەرگەتيكا جانە مينەرالدىق رەسۋرستار مينيسترلىگىنىڭ ستراتەگيالىق جوسپارلاۋ جانە سالاارالىق ۇيلەستىرۋ دەپارتامەنتىنىڭ ديرەكتورى.
2008-2009 جىلدارى – پرەزيدەنت اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى.
2009-2014 جىلدارى – «ۇلتتىق يننوۆاتسيالىق قور» اق باسقارما توراعاسى (قايتا ۇيىمداستىرۋدان كەيىن «تەحنولوگيالىق دامۋ جونىندەگى ۇلتتىق اگەنتتىك»).
2014-2017 جىلدارى – «قازاقستاندىق يندۋستريا دامىتۋ ينستيتۋتى» اق-نىڭ باسقارما توراعاسى.
2017-2019 جىلدارى - پرەزيدەنت اكىمشىلىگىنىڭ ستراتەگيالىق ازىرلەمەلەر جانە تالداۋ ورتالىعىنىڭ مەڭگەرۋشىسى.
2019 جىلعى 22 شىلدەcىنەن باستاپ ستراتەگيالىق جوسپارلاۋ ءبولىمىنىڭ مەڭگەرۋشىسى قىزمەتىن اتقاردى.
