ەرجان ەركىنباەۆ قر تۋريزم جانە سپورت ۆيتسە-ءمينيسترى قىزمەتىنەن بوساتىلدى، دەپ حابارلايدى "ادىرنا" ۇلتتىق پورتالى.
بۇل تۋرالى قر پرەمەر-ءمينيسترىنىڭ ءباسپاسوز قىزمەتى مالىمدەدى.
«قازاقستان رەسپۋبليكاسى ۇكىمەتىنىڭ قاۋلىسىمەن ەرجان مالىكۇلى ەركىنباەۆ باسقا جۇمىسقا اۋىسۋىنا بايلانىستى قر تۋريزم جانە سپورت ۆيتسە-ءمينيسترى قىزمەتىنەن بوساتىلدى»، – دەلىنگەن حابارلامادا.
ەرجان ەركىنباەۆ بۇل قىزمەتكە 2023 جىلدىڭ قاراشا ايىندا تاعايىندالعان ەدى.
ەرجان ەركىنباەۆ 1982 جىلى جامبىل وبلىسىندا دۇنيەگە كەلگەن. قازاق مەملەكەتتىك زاڭ اكادەمياسىن جانە حالىقارالىق بيزنەس اكادەمياسىن تامامداعان.
ەڭبەك جولىن 2002 جىلى كوممەرتسيالىق كومپانيادا زاڭگەر بولىپ باستاعان. كەيىن ءتۇرلى جىلدارى كوممەرتسيالىق قۇرىلىمداردا زاڭگەر، اتقارۋشى ديرەكتور، باس ديرەكتور قىزمەتتەرىن اتقاردى.
سونىمەن قاتار ول «شىمبۇلاق» تاۋ شاڭعىسى كۋرورتىنىڭ، «مەدەۋ» سپورت كەشەنىنىڭ باس ديرەكتورى، الماتى مەملەكەتتىك زوولوگيالىق پاركىنىڭ ديرەكتورى بولدى. VI شاقىرىلىمداعى الماتى قالالىق ءماسليحاتىنىڭ دەپۋتاتى رەتىندە دە ەڭبەك ەتتى.
2019-2021 جىلدارى «Kazakh Tourism» ۇلتتىق كومپانياسىن باسقاردى. ال 2021–2023 جىلدارى قر مادەنيەت جانە سپورت ۆيتسە-ءمينيسترى قىزمەتىن اتقاردى.
