قاراعاندى وبلىسى دەنە شىنىقتىرۋ جانە سپورت باسقارماسىنىڭ باسشىسى سەرىك ساپيەۆ پەن ونىڭ ورىنباسارى داۋرەن ەسىمحانوۆ قىزمەتتەرىنەن بوساتىلدى، دەپ حابارلايدى "ادىرنا" ۇلتتىق پورتالى.
بۇل تۋرالى 2026 جىلعى 3 اقپاندا وبلىس اكىمدىگىنىڭ ءباسپاسوز قىزمەتى حابارلادى.
رەسمي مالىمەتكە سايكەس، ەكى لاۋازىمدى تۇلعا دا قىزمەتىنەن ءوز ەركىمەن كەتكەن.
بۇل شەشىم قاڭتار ايىندا بولعان جانجالدان كەيىن قابىلداندى. 21 قاڭتاردا باسقارما باسشىسى مەن ونىڭ ورىنباسارى اراسىندا جانجال تۋىنداپ، وقيعا بەينەجازباعا ءتۇسىپ قالعان. وقيعا قوعامدا قىزۋ تالقىلانىپ، كەيىن باسقارما جۇمىسىنا قاتىستى تەكسەرىس باستالعان.
وقيعاعا قاتىستى سەرىك ساپيەۆ بۇعان دەيىن مەملەكەتتىك قىزمەتكەر رەتىندە ەتيكانى ساقتايتىنىن مالىمدەگەن. ول جانجال جەكە تۇرمىستىق جانجال ەمەس، قىزمەتتىك ماسەلەلەرگە بايلانىستى بولعانىن ايتقان. ونىڭ سوزىنشە، وڭىردەگى سپورت ۇيىمدارى باسشىلارىن زاڭسىز اۋىستىرۋ ارەكەتى بولعان.
ال داۋرەن ەسىمحانوۆ الەۋمەتتىك جەلىلەر مەن باق-تا تاراعان اقپارات تولىق شىندىقتى كورسەتپەيتىنىن ايتىپ، جۇرتشىلىقتى ارانداتۋعا ەرمەۋگە شاقىرعان.
