قازاقستاننىڭ ارنايى وپەراتسيالار كۇشتەرىنىڭ وقۋ-جاتتىعۋلارى تۇسىرىلگەن ۆيدەو شەتەلدىك الەۋمەتتىك جەلىلەردە جالعان اقپاراتپەن تارالىپ جاتىر، دەپ حابارلايدى “ادىرنا”.
بۇل تۋرالى جالعان اقپاراتقا قارسى كۇرەس ورتالىعى ەسكەرتتى.
ورتالىقتىڭ مالىمەتىنشە، بەينەجازباعا شەت مەملەكەتتەر اراسىنداعى تەكەتىرەستى بەينەلەيدى دەگەن جالعان سيپاتتاما بەرىلگەن.
قازاقستان قورعانىس مينيسترلىگىنىڭ تۇسىندىرۋىنشە، ۆيدەودا 2026 جىلعى ماۋسىم مەن تامىز ارالىعىندا جەتىسۋ وبلىسىنداعى «كوكتال» پوليگونىندا وتكەن ارنايى وپەراتسيالار كۇشتەرىنىڭ وقۋ-جاتتىعۋ جيىندارى كورسەتىلگەن. ءىس-شارالار جاۋىنگەرلىك دايارلىق جوسپارىنا سايكەس ۇيىمداستىرىلعان.
جالعان اقپاراتقا قارسى كۇرەس ورتالىعى الەۋمەتتىك جەلى قولدانۋشىلارىن جاريالانىمداردى بولىسپەس بۇرىن اقپاراتتىڭ باستاپقى دەرەككوزىن جانە كونتەكستىن تەكسەرۋگە شاقىردى.
بۇعان دەيىن Threads الەۋمەتتىك جەلىسىندە قازاقستان قارۋلى كۇشتەرىنىڭ حالىقارالىق وقۋ-جاتتىعۋلاردان كەيىن تۇراقتى ورنالاسۋ ورىندارىنا قايتپاعانى ايتىلعان اسكەري تەحنيكاعا قاتىستى جازبالار قىزۋ تالقىلانعان ەدى.
