Qazaqstannyŋ arnaiy operasiialar küşterınıŋ oqu-jattyǧulary tüsırılgen video şeteldık äleumettık jelılerde jalǧan aqparatpen taralyp jatyr, dep habarlaidy “Adyrna”.
Būl turaly jalǧan aqparatqa qarsy küres ortalyǧy eskerttı.
Ortalyqtyŋ mälımetınşe, beinejazbaǧa şet memleketter arasyndaǧy teketırestı beineleidı degen jalǧan sipattama berılgen.
Qazaqstan qorǧanys ministrlıgınıŋ tüsındıruınşe, videoda 2026 jylǧy mausym men tamyz aralyǧynda Jetısu oblysyndaǧy «Köktal» poligonynda ötken arnaiy operasiialar küşterınıŋ oqu-jattyǧu jiyndary körsetılgen. Is-şaralar jauyngerlık daiarlyq josparyna säikes ūiymdastyrylǧan.
Jalǧan aqparatqa qarsy küres ortalyǧy äleumettık jelı qoldanuşylaryn jariialanymdardy bölıspes būryn aqparattyŋ bastapqy derekközın jäne kontekstın tekseruge şaqyrdy.
Būǧan deiın Threads äleumettık jelısınde Qazaqstan qaruly küşterınıŋ halyqaralyq oqu-jattyǧulardan keiın tūraqty ornalasu oryndaryna qaitpaǧany aitylǧan äskeri tehnikaǧa qatysty jazbalar qyzu talqylanǧan edı.
