پەنتاگون اقش اسكەرلەرىن كابۋلدىق اۋەجايدان ەۆاكۋاتسيالاۋ اياقتالعانىن جاريالادى. بۇل تۋرالى ۆۆس اقپارات اگەنتتىگى حابارلايدى.
پەنتاگون ءباسپاسوز حاتشىسى دجون كيربي مەن تەڭىز جاياۋ اسكەرى گەنەرالى كەننەت ماككەنزي قازىرگى كەزدە ءوتىپ جاتقان بريفينگتە امەريكاندىق اسكەري قىزمەتكەرلەر وتىرعان سوڭعى ۇشاقتىڭ كابۋل اۋەجايىنان ۇشىپ شىققانىن راستادى.
امەريكاندىقتار مەن تالىبتەر اراسىنداعى كەلىسىم بويىنشا، اسكەري قىزمەتكەرلەردى ەۆاكۋاتسيالاۋ 31 تامىز كۇنى اياقتالۋى ءتيىس بولدى.
ۆۆس ءتىلشىسى ليز دۋسەت تالىبتەردىڭ ءبىرشاما ۋاقىت بۇرىن جەلىدە ارنايى جاساعىنىڭ امەريكاندىقتارمەن كەزدەسكەن فوتوسۋرەتتەرىن جاريالاعانىن جازدى، الدىن الا بولجام بويىنشا، بۇل اۋەجايدى تاپسىرۋ پروتسەسى بولعان.
