ءبىزدىڭ ۇزاق تاريحىمىزدا ەسكە الساڭ كۇڭىرەنەتىن ناۋبەتتىڭ ءبىرى – قولدان جاسالعان اشارشىلىق. ونىڭ اقيقاتىن ۇزاق جىلدار ارحيۆتەن ىزدەپ، دەرەك پەن قازاق تاعدىرىن ساباقتاستىرا جازعان قالامگەردىڭ ءبىرى – قازاقستاننىڭ حالىق جازۋشىسى ۆالەري ميحايلوۆ.
ول كىسىنىڭ «حرونيكا ۆەليكوگو دجۋتا» – «عالامات جۇت شەجىرەسى» كىتابى نەبىر ماراپاتقا دا لايىق ەدى.
ءبىر توپ قازاق ءوزىمىز گۋ-گۋ ەتىپ ءجۇرىپ، ول كىسىنى ەسىمىزدەن شىعارىپ قويىپپىز.
اباي اتىنداعى مەملەكەتتىك سىيلىق شارتىندا دەرەكتى پروزاعا دا ورىن قاراستىرىلعان. بىراق مەنى كىم تىڭداپ جاتىر دەيسىز...)
بيىل، سەكسەن جاسقا تولعان مەرەيلى شاعىندا، پرەزيدەنت جارلىعىمەن ۆالەري فەدوروۆيچ ميحايلوۆ وتاندىق ادەبيەتتى دامىتۋعا قوسقان ايرىقشا ۇلەسى ءۇشىن ءى دارەجەلى «بارىس» وردەنىمەن ماراپاتتالىپتى.
مارتەبەلى ماراپاتىڭىز قۇتتى بولسىن!
ول كىسىمەن جۇزدەسىپ قالسام، كەپكامدى شەشىپ، وڭ قولىمدى كەۋدەمە قويىپ، جالپاق قازاق تىلىممەن: «عيزاتلى ۆالەري اقساقال، قازاق ەلىنىڭ تاريحىنا دەگەن قۇرمەتىڭىز، اشارشىلىق قاسىرەتىن ۇمىتتىرماۋعا سىڭىرگەن اسا زور ەڭبەگىڭىز ءۇشىن ءبىز ءسىزدى توبەمىزگە تۇتامىز! اشىققان قازاقتاردى جازعان عالامات ەڭبەگىڭىزدى توق قازاقتار دا ۇمىتپاس...» - دەر ەدىم.
