Bızdıŋ ūzaq tarihymyzda eske alsaŋ küŋırenetın näubettıŋ bırı – qoldan jasalǧan aşarşylyq. Onyŋ aqiqatyn ūzaq jyldar arhivten ızdep, derek pen qazaq taǧdyryn sabaqtastyra jazǧan qalamgerdıŋ bırı – Qazaqstannyŋ halyq jazuşysy Valerii Mihailov.
Ol kısınıŋ «Hronika velikogo djuta» – «Ǧalamat jūt şejıresı» kıtaby nebır marapatqa da laiyq edı.
Bır top qazaq özımız gu-gu etıp jürıp, ol kısını esımızden şyǧaryp qoiyppyz.
Abai atyndaǧy memlekettık syilyq şartynda derektı prozaǧa da oryn qarastyrylǧan. Bıraq menı kım tyŋdap jatyr deisız...)
Biyl, seksen jasqa tolǧan mereilı şaǧynda, Prezident Jarlyǧymen Valerii Fedorovich Mihailov otandyq ädebiettı damytuǧa qosqan airyqşa ülesı üşın I därejelı «Barys» ordenımen marapattalypty.
Märtebelı marapatyŋyz qūtty bolsyn!
Ol kısımen jüzdesıp qalsam, kepkamdy şeşıp, oŋ qolymdy keudeme qoiyp, jalpaq qazaq tılımmen: «Ǧizatly Valerii aqsaqal, Qazaq elınıŋ tarihyna degen qūrmetıŋız, aşarşylyq qasıretın ūmyttyrmauǧa sıŋırgen asa zor eŋbegıŋız üşın bız Sızdı töbemızge tūtamyz! Aşyqqan qazaqtardy jazǧan ǧalamat eŋbegıŋızdı toq qazaqtar da ūmytpas...» - der edım.
