قازاقستان رەسپۋبليكاسىنىڭ پرەزيدەنتى 31 مامىر – ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنىنە وراي Twitter-دە ارنايى جازبا جاريالادى. ەل باسشىسى حالقىمىزعا ورازان زور ناۋبەت اكەلگەن جۇيە مەن قارالى جىلدار جايىندا جازىپ، اتا-بابا ءۇمىتىن اقتاۋ حاقىندا ءسوز ەتتى، دەپ حابارلايدى "ادىرنا" ۇلتتىق پورتالى.
– ءبىز بۇگىن ساياسي قۋعىن-سۇرگىن جانە اشارشىلىق قۇرباندارىن ەسكە الامىز. ءتوتاليتاريزمنىڭ بۇل قىرعىنى حالقىمىزعا وراسان زور قاسىرەت اكەلدى. تاريحىمىزدىڭ قايعىلى كەزەڭدەرىن تەرەڭ زەردەلەپ، جازىقسىز جاپا شەككەن بوزداقتاردى اقتاۋ ءىسىن جالعاستىرۋ – وتە ماڭىزدى ماسەلە، – دەپ جازدى قاسىم-جومارت توقاەۆ Twitter پاراقشاسىندا.
https://twitter.com/TokayevKZ/status/1663739843979931649?s=20
پرەزيدەنتتىڭ پىكىرىنشە، ازالى كۇندەردەن ساباق الىپ، مۇنداي ناۋبەتتىڭ كەلەشەكتە قايتالانۋىنا جول بەرمەۋ – بارشامىزعا ورتاق پارىز. ءبىز اۋىر سىناققا توتەپ بەرگەن، ۇلت بىرلىگىن ساقتاپ قالعان جانە اسىل قاسيەتتەرىن جوعالتپاعان اتا-بابامىزدىڭ ءۇمىتىن اقتاۋىمىز قاجەت.
"ادىرنا" ۇلتتىق پورتالى
