اقتوبە قالاسىنداعى №8 ورتا مەكتەپتە «تازا قازاقستان» جالپىۇلتتىق باعدارلاماسى اياسىندا «تابيعاتتى قورعاۋ – ورتاق مىندەت» تاقىرىبىندا تاربيەلىك ءىس-شارا ۇيىمداستىرىلدى. ەكولوگيالىق مادەنيەتتى قالىپتاستىرۋعا باعىتتالعان شاراعا 100-گە جۋىق وقۋشى مەن مۇعالىم قاتىستى.
تانىمدىق ءارى تاجىريبەلىك فورماتتا وتكەن ءىس-شارانىڭ نەگىزگى ماقساتى – جاس ۇرپاقتىڭ تابيعاتقا دەگەن جاناشىرلىق كوزقاراسىن قالىپتاستىرۋ، قۇستاردى قورعاۋ ارقىلى قورشاعان ورتانى ايالاۋ قۇندىلىقتارىن دارىپتەۋ جانە ەكولوگيالىق جاۋاپكەرشىلىكتى ارتتىرۋ.
شارا بارىسىندا وقۋشىلارعا قۇستاردىڭ ەكوجۇيەدەگى ءرولى مەن تابيعات تەپە-تەڭدىگىن ساقتاۋداعى ماڭىزى كەڭىنەن ءتۇسىندىرىلدى. سونىمەن قاتار قاتىسۋشىلار تابيعاتتى قورعاۋ تاقىرىبىندا پىكىر الماسىپ، ارنايى تانىمدىق تاپسىرمالارعا بەلسەندى قاتىستى.
ءىس-شارانىڭ ەرەكشە بولىگىنىڭ ءبىرى – وقۋشىلاردىڭ اتا-انالارىمەن بىرلەسىپ دايىنداعان قۇس ۇيالارىن مەكتەپ اۋلاسىنا ورناتۋى بولدى. بۇل باستاما بالالاردىڭ تابيعاتقا دەگەن قامقورلىعىن ارتتىرىپ قانا قويماي، ولاردىڭ بويىندا جاۋاپكەرشىلىك پەن ەكولوگيالىق مادەنيەتتى نىعايتۋعا ىقپال ەتتى.
پراكتيكالىق بولىمدە مەكتەپ اۋلاسىنداعى قۇس تۇرلەرىمەن تانىسۋ ۇيىمداستىرىلىپ، وقۋشىلار ولاردىڭ تىرشىلىگى مەن تابيعاتتاعى ماڭىزى جونىندە قوسىمشا ماعلۇمات الدى.
مەكتەپ ديرەكتورىنىڭ تاربيە ءىسى جونىندەگى ورىنباسارى اركەن مۇقامبەتازيۇلى مۇنداي شارالاردىڭ تاربيەلىك ءمانى زور ەكەنىن اتاپ ءوتتى.
– بۇگىنگى ءىس-شارانىڭ باستى ماقساتى – وقۋشىلاردىڭ تابيعاتقا دەگەن جاناشىرلىق كوزقاراسىن قالىپتاستىرىپ، ەكولوگيالىق مادەنيەتىن ارتتىرۋ. قۇستاردى قورعاۋ ارقىلى ءبىز وسكەلەڭ ۇرپاققا قورشاعان ورتاعا جاۋاپكەرشىلىكپەن قاراۋدىڭ ماڭىزىن تۇسىندىرەمىز. وسىنداي تاربيەلىك ءىس-شارالار بالالاردىڭ تابيعاتقا دەگەن سۇيىسپەنشىلىگىن ارتتىرىپ، ازاماتتىق ۇستانىمىن نىعايتادى. تابيعاتتى قورعاۋ – ءار ازاماتتىڭ ورتاق مىندەتى ەكەنىن جاس بۋىن ساناسىنا ءسىڭىرۋ – ءبىزدىڭ باستى مىندەتىمىز، – دەدى ول.
ءوز كەزەگىندە 8-سىنىپ وقۋشىسى التىناي ماحامبەتوۆا دا ءىس-شارادان العان اسەرىمەن ءبولىستى.
– قۇستاردى قورعاۋ ارقىلى تابيعاتتى قورعاۋدىڭ قانشالىقتى ماڭىزدى ەكەنىن تەرەڭىرەك ءتۇسىندىم. قۇس ۇيالارىن ورناتۋ سياقتى پايدالى ىسكە قاتىسۋ بىزگە ۇلكەن جاۋاپكەرشىلىك جۇكتەيدى. وسىنداي شارالار تابيعاتقا دەگەن سۇيىسپەنشىلىگىمىزدى ارتتىرىپ، قورشاعان ورتاعا قامقورلىقپەن قاراۋعا ۇيرەتەدى، – دەدى وقۋشى.
مازمۇندى وتكەن تاربيەلىك ءىس-شارا وقۋشىلاردىڭ ەكولوگيالىق ساۋاتىن ارتتىرىپ، تابيعاتقا ۇقىپتى قاراۋ داعدىلارىن قالىپتاستىرۋعا باعىتتالدى. مۇنداي تاعىلىمدى باستامالار جاس ۇرپاقتىڭ قورشاعان ورتاعا دەگەن جاۋاپكەرشىلىگىن كۇشەيتىپ، ەكولوگيالىق مادەنيەتتىڭ دامۋىنا سەرپىن بەرەدى.
