Aqtöbe qalasyndaǧy №8 orta mektepte «Taza Qazaqstan» jalpyūlttyq baǧdarlamasy aiasynda «Tabiǧatty qorǧau – ortaq mındet» taqyrybynda tärbielık ıs-şara ūiymdastyryldy. Ekologiialyq mädeniettı qalyptastyruǧa baǧyttalǧan şaraǧa 100-ge juyq oquşy men mūǧalım qatysty.
Tanymdyq ärı täjıribelık formatta ötken ıs-şaranyŋ negızgı maqsaty – jas ūrpaqtyŋ tabiǧatqa degen janaşyrlyq közqarasyn qalyptastyru, qūstardy qorǧau arqyly qorşaǧan ortany aialau qūndylyqtaryn därıpteu jäne ekologiialyq jauapkerşılıktı arttyru.
Şara barysynda oquşylarǧa qūstardyŋ ekojüiedegı rölı men tabiǧat tepe-teŋdıgın saqtaudaǧy maŋyzy keŋınen tüsındırıldı. Sonymen qatar qatysuşylar tabiǧatty qorǧau taqyrybynda pıkır almasyp, arnaiy tanymdyq tapsyrmalarǧa belsendı qatysty.
Is-şaranyŋ erekşe bölıgınıŋ bırı – oquşylardyŋ ata-analarymen bırlesıp daiyndaǧan qūs ūialaryn mektep aulasyna ornatuy boldy. Būl bastama balalardyŋ tabiǧatqa degen qamqorlyǧyn arttyryp qana qoimai, olardyŋ boiynda jauapkerşılık pen ekologiialyq mädeniettı nyǧaituǧa yqpal ettı.
Praktikalyq bölımde mektep aulasyndaǧy qūs türlerımen tanysu ūiymdastyrylyp, oquşylar olardyŋ tırşılıgı men tabiǧattaǧy maŋyzy jönınde qosymşa maǧlūmat aldy.
Mektep direktorynyŋ tärbie ısı jönındegı orynbasary Arken Mūqambetäziūly mūndai şaralardyŋ tärbielık mänı zor ekenın atap öttı.
– Bügıngı ıs-şaranyŋ basty maqsaty – oquşylardyŋ tabiǧatqa degen janaşyrlyq közqarasyn qalyptastyryp, ekologiialyq mädenietın arttyru. Qūstardy qorǧau arqyly bız öskeleŋ ūrpaqqa qorşaǧan ortaǧa jauapkerşılıkpen qaraudyŋ maŋyzyn tüsındıremız. Osyndai tärbielık ıs-şaralar balalardyŋ tabiǧatqa degen süiıspenşılıgın arttyryp, azamattyq ūstanymyn nyǧaitady. Tabiǧatty qorǧau – är azamattyŋ ortaq mındetı ekenın jas buyn sanasyna sıŋıru – bızdıŋ basty mındetımız, – dedı ol.
Öz kezegınde 8-synyp oquşysy Altynai Mahambetova da ıs-şaradan alǧan äserımen bölıstı.
– Qūstardy qorǧau arqyly tabiǧatty qorǧaudyŋ qanşalyqty maŋyzdy ekenın tereŋırek tüsındım. Qūs ūialaryn ornatu siiaqty paidaly ıske qatysu bızge ülken jauapkerşılık jükteidı. Osyndai şaralar tabiǧatqa degen süiıspenşılıgımızdı arttyryp, qorşaǧan ortaǧa qamqorlyqpen qarauǧa üiretedı, – dedı oquşy.
Mazmūndy ötken tärbielık ıs-şara oquşylardyŋ ekologiialyq sauatyn arttyryp, tabiǧatqa ūqypty qarau daǧdylaryn qalyptastyruǧa baǧyttaldy. Mūndai taǧylymdy bastamalar jas ūrpaqtyŋ qorşaǧan ortaǧa degen jauapkerşılıgın küşeitıp, ekologiialyq mädeniettıŋ damuyna serpın beredı.
