اقتوبە وبلىسىنىڭ اكىمى بەردىبەك ساپارباەۆ باتىس وڭىردە حيدجاب ماسەلەسى قالاي شەشىلىپ جاتقانىنا توقتالدى. بۇرىن وڭىردە 530 وقۋشى حيدجاب كيسە، ءتيىستى شارالاردان كەيىن 33-ءى عانا قالعان. 

"حيدجابقا قاتىستى زاڭعا سايكەس جۇيەلى تۇردە جۇمىس جۇرگىزىپ جاتىرمىز. بۇل ماسەلەگە ءبىز قوعامدىق ۇيىمداردى جۇمىلدىرۋىمىز كەرەك. بىزدە حيدجاب كيەتىن بالالاردىڭ سانى 530 بولاتىن، قازىر 33 وقۋشى قالدى. سولاردىڭ اتا-انالارىمەن ءتۇسىندىرۋ جۇمىستارىن جۇرگىزىپ جاتىرمىز", — دەدى وبلىس اكىمى وكق-دە وتكەن ءباسپاسوز ءماسليحاتىندا.

ساپارباەۆ تالاپ بارلىق بالاعا بىردەي بولۋى كەرەكتىگىن اتاپ ءوتتى.

"بارلىق بالا قازىرگى زاماننىڭ تالابىنا، مۇمكىندىگىنە ساي ءبىلىم الىپ، ەمىن-ەركىن ويناۋى كەرەك، سپورتپەن شۇعىلدانۋى كەرەك. بۇعان مۇمكىندىك جاساۋ – ءبىزدىڭ اتا-انا رەتىندەگى پارىزىمىز، مىندەتىمىز. ەگەر ءبىز ءوز پارىزىمىزدى ورىنداماساق، ەرتەڭ بالالارىمىز وسكەندە بىزگە رەنجيدى. سەبەبى ولار ءوز قاتارلاستارىنان كەم بولادى. ءبىز بۇعان جول بەرمەۋ ءۇشىن جۇمىس ىستەپ جاتىرمىز", — دەدى ايماق باسشىسى.

_______________________________________________________________________________________________________________________________

sputniknews.kz