الەمگە تانىمال قازاقستاندىق ءانشى ديماش قۇدايبەرگەن ءوزىنىڭ تۋعان قالاسى اقتوبەگە كەلىپ، جاڭا بەينەبايان ءتۇسىرۋدى جوسپارلاپ جاتىر. بۇل تۋرالى ول ءوزىنىڭ Instagram-داعى رەسمي پاراقشاسىندا جازدى، دەپ حابارلايدى “ادىرنا”.
ءانشى ءوزىنىڭ بالالىق شاعى وتكەن مەكەنگە ورالۋى تۋرالى جىلى ەستەلىكتەرىمەن ءبولىسىپ، تۋعان جەردىڭ ءوزى ءۇشىن ورنى ەرەكشە ەكەنىن اتاپ ءوتتى.
«اقتوبەدەن سالەم. ءجاسوسپىرىم كەزىمدە ارماندارىم مەنى الىسقا الىپ كەتتى. بىراق ءار جولدىڭ باستاۋىندا تۋعان جەر تۇرادى. اراعا جىلدار سالىپ، تۋعان جەرگە تابان تىرەپ كەلىپ قالدىم. بۇيىرسا اقتوبەدە 3 كۇننەن سوڭ جاڭا كليپ تۇسىرەمىن»، – دەپ جازدى ديماش قۇدايبەرگەن.
ازىرگە جاڭا تۋىندىنىڭ اتاۋى مەن قانداي انگە كليپ تۇسىرىلەتىنى بەلگىسىز، الايدا ءتۇسىرىلىم جۇمىستارى جاقىن كۇندەرى اقتوبە قالاسىندا باستالادى.
