ورتالىق ازيادا سولتۇستىك كورشىمىزدىڭ ۇگىت-ناسيحاتى قارقىندى جۇمىس ىستەپ جاتىر. جەكە بايقاۋىم بويىنشا "ورىس الەمىنىڭ" كۇشىنە سەنەتىندەر سانى كوپتىگى بويىنشا تاجىكستان، ودان سوڭ وزبەكستان، كەيىن قىرعىزستان، قازاقستاندا دا جەتىسىپ تۇرعان جوق.
"كورگەنىمدى ايتايىن با؟ الدە ەستىگەنىمدى ايتايىن با؟" دەۋشى ەدى عوي، سول سياقتى كورگەنىمدى ايتايىن.
2026 جىلعى 8 مامىر كۇنى سامارقاندتا ءبيبى حانىم ماۆزولەيىندە ءجۇرمىز، رف ايەلدەرىنىڭ (تۋريستەرىنىڭ) توبىن كوردىم، كىل الاباجاق جىپتەرىن تاعىپ العان. وزدەرى ايتاتىن "ۆ چۋجوي موناستىر سو سۆويم ۋستاۆوم نە حوديات" دەپ الىپ، ورىسشا ايتقاندا "دەمونستراتيۆنو" تاعىپ جۇرگەنى جيىركەنىشتى كورىندى. قازاقستاندا دا 31 مامىر كۇنى جۇمعان اۋزىن اشپاي، 9 مامىر كۇنى عانا تاياققا تاعىپ الىپ جۇرەتىندەر جەتەدى.
ەكىنشى وقيعا. تاشكەنت اۋەجايىندا تۇرمىز. سوزدەرىنەن تۇسىنگەنىم ءبىزدىڭ قاراعاندىنىڭ كىسىلەرى، ءسوز اراسىندا: "قازاقتار وزبەكشە تۇسىنەدى ەكەن" دەپ تاڭ قالىپ تۇردى. ارينە، وزگەنىڭ سوزىنە ارالاسپاعان ءجون، بىراق، مىنا سوزدەردى ەستىپ بۇرىلدىم دا: "بىزدەر تۋىس حالىقپىز عوي" دەسەم، ولار: "ول قالاي؟" دەيدى. مەن دە قويمايمىن: "سىزدەردىڭ، ياعني شىعىس سلاۆيانداردىڭ ءبىر-بىرلەرىڭىزدى تۇسىنەتىندەرىڭىز سياقتى عوي" دەسەم: ء"بىز ۋكراينشا تۇسىنبەيمىز" دەيدى. ارينە، تۇسىنەدى، تۇسىنگەندە قانداي، تۇركى حالقىنىڭ وكىلى مەن ءتۇسىنىپ تۇرعاندا ولار تۇسىنبەيتىنىنە سەنبەيمىن. جاي ەسىمە ءتۇسىپ كەتتى!
جالپى، ورتالىق ازيادا سولتۇستىك كورشىمىزدىڭ ۇگىت-ناسيحاتى قارقىندى جۇمىس ىستەپ جاتىر. جەكە بايقاۋىم بويىنشا "ورىس الەمىنىڭ" كۇشىنە سەنەتىندەر سانى كوپتىگى بويىنشا تاجىكستان، ودان سوڭ وزبەكستان، كەيىن قىرعىزستان، قازاقستاندا دا جەتىسىپ تۇرعان جوق. ال، تۇركىمەنستاندى بىلمەيمىن، دەگەنمەن، رف وندا دا بەلسەندى جۇمىس ىستەپ جاتىر دەپ بولجايمىن!
