رەسەيدىڭ ەكونوميكالىق دامۋ ءمينيسترى ماكسيم رەشەتنيكوۆ قازاقستان مەن رەسەي شەكاراسىنداعى مۇزتاۋ (رەسەيدەگى اتاۋى - بەلۋحا تاۋى) تۋرالى ايتتى. بۇل تۋرالى مالىمدەمە رەسەي پرەزيدەنتى ۆلاديمير ءپۋتيننىڭ ۇكىمەت مۇشەلەرىمەن كەزدەسۋىندە ايتىلدى، دەپ حابارلايدى “ادىرنا” ۇلتتىق پورتالى.
«بىزدە قازاقستانمەن شەكارادا شەشىلمەگەن ءبىر ماسەلە — بەلۋحا تاۋى. ۇكىمەتارالىق كەلىسىمگە قول قويۋ كەرەك. ويتكەنى تاۋعا شىعۋ ءۇشىن قازاقستاننىڭ اۋماعىن پايدالانۋ كەرەك، ول جاقتا شەكارالىق رەجيم بار. بىراق بۇل ماسەلە دە ءبىزدىڭ ەرەكشە باقىلاۋىمىزدا»، — دەدى ول.
ول بەلۋحا تاۋىنا قاتىستى شەشىلمەگەن ماسەلە بار ەكەنىن ايتىپ، «قازاقستاندىق ارىپتەستەرمەن بىرگە زەرتتەلىپ جاتىر» دەدى.
«جاقسى. ءبىز ونى جاقسارتۋىمىز كەرەك. ەگەر سىرتقى ىستەر مينيسترلىگىنەن كومەك كەرەك بولسا، ماعان ايتىڭىز، جاراي ما؟»، — دەدى ۆلاديمير پۋتين.
ايتا كەتەيىك، مۇزتاۋ (بەلۋحا) — قازاقستان مەن رەسەي شەكاراسىن ءبولىپ جاتقان تاۋ. ول كوكسۋ اۋدانى ارقىلى التاي رەسپۋبليكاسى مەن شىعىس قازاقستان وبلىسىنىڭ اۋماقتارى ارقىلى وتەدى.
