ورتالىق ازياداعى ءىرى مادەني-اعارتۋشىلىق شارالاردىڭ ءبىرى – Eurasian Book Fair 2026 حالىقارالىق كىتاپ كورمە-جارمەڭكەسىندە "اتامۇرا" باسپاسى ەكى جوعارى ماراپاتقا يە بولدى، دەپ حابارلايدى "ادىرنا" ۇلتتىق پورتالى.
بايقاۋ قورىتىندىسى بويىنشا ۇلتتىق عىلىم اكادەمياسىنىڭ اكادەميگى مۇحتار ابرارۇلى قۇل-مۇحاممەدتىڭ «مەنىڭ اعالارىم» اتتى كىتابى «جىل كىتابى» نوميناتسياسىندا ءى ورىندى جەڭىپ الدى. اتالعان كىتاپ – ەل تاريحىندا ءىز قالدىرعان 15 كورنەكتى تۇلعا تۋرالى جازىلعان ەستەلىك-ەسسەلەر جيناعى.
سونىمەن قاتار، ۇلتتىق كىتاپ كۇنىنە وراي ۇيىمداستىرىلعان بايقاۋ اياسىندا «نون-فيكشن» اتالىمى بويىنشا ءىى ورىن اباي قۇنانبايۇلى شىعارمالارىنىڭ ءۇش تومدىق اكادەميالىق جيناعىنا بۇيىردى. "اتامۇرادا" باسىلىپ شىققان باسىلىم قازاق ادەبي مۇراسىن عىلىمي تۇرعىدا زەردەلەگەن ماڭىزدى ەڭبەك رەتىندە باعالاندى.
كىتاپ كورمە-جارمەڭكەسى قازاقستان رەسپۋبليكاسى مادەنيەت جانە اقپارات مينيسترلىگى قولداۋىمەن، "فوليانت" باسپاسىنىڭ ۇيىمداستىرۋىمەن ءوتتى. ءىس-شاراعا الەمنىڭ 30-دان استام شەتەلدىك جانە 50-گە جۋىق وتاندىق باسپا قاتىسىپ، وزدەرىنىڭ ۇزدىك تۋىندىلارىن دا ۇسىنعان.
ايتا كەتەيىك، IX حالىقارالىق Eurasian Book Fair 2026 كورمە-جارمەڭكەسى 22–26 ءساۋىر ارالىعىندا استانا قالاسىندا ءوتتى. ۇلتتىق كىتاپ كۇنى اياسىندا وتكەن بۇل شارا وتاندىق كىتاپ يندۋسترياسىنىڭ دامۋىنا سەرپىن بەرىپ، وقىرمان مەن باسپا قاۋىمىن ءبىر الاڭعا توعىستىردى.
