Ortalyq Aziiadaǧy ırı mädeni-aǧartuşylyq şaralardyŋ bırı – Eurasian Book Fair 2026 halyqaralyq kıtap körme-järmeŋkesınde "Atamūra" baspasy ekı joǧary marapatqa ie boldy, dep habarlaidy "Adyrna" ūlttyq portaly.
Baiqau qorytyndysy boiynşa Ūlttyq ǧylym akademiiasynyŋ akademigı Mūhtar Abrarūly Qūl-Mūhammedtıŋ «Menıŋ aǧalarym» atty kıtaby «Jyl kıtaby» nominasiiasynda I oryndy jeŋıp aldy. Atalǧan kıtap – el tarihynda ız qaldyrǧan 15 körnektı tūlǧa turaly jazylǧan estelık-esseler jinaǧy.
Sonymen qatar, Ūlttyq kıtap künıne orai ūiymdastyrylǧan baiqau aiasynda «Non-fikşn» atalymy boiynşa II oryn Abai Qūnanbaiūly şyǧarmalarynyŋ üş tomdyq akademiialyq jinaǧyna būiyrdy. "Atamūrada" basylyp şyqqan basylym qazaq ädebi mūrasyn ǧylymi tūrǧyda zerdelegen maŋyzdy eŋbek retınde baǧalandy.
Kıtap körme-järmeŋkesı Qazaqstan Respublikasy Mädeniet jäne aqparat ministrlıgı qoldauymen, "Foliant" baspasynyŋ ūiymdastyruymen öttı. Is-şaraǧa älemnıŋ 30-dan astam şeteldık jäne 50-ge juyq otandyq baspa qatysyp, özderınıŋ üzdık tuyndylaryn da ūsynǧan.
Aita keteiık, IX halyqaralyq Eurasian Book Fair 2026 körme-järmeŋkesı 22–26 säuır aralyǧynda Astana qalasynda öttı. Ūlttyq kıtap künı aiasynda ötken būl şara otandyq kıtap industriiasynyŋ damuyna serpın berıp, oqyrman men baspa qauymyn bır alaŋǧa toǧystyrdy.
