اقتوبەدە 14 ناۋرىز – كورىسۋ كۇنىنە وراي قارتتار ۇيىندە ەرەكشە مەرەكەلىك كونتسەرت ۇيىمداستىرىلدى. ىزگى شارا بارىسىندا احمەت جۇبانوۆ اتىنداعى مۋزىكالىق كوللەدجدىڭ ونەرلى جاستارى اعا بۋىن وكىلدەرىنە ءان مەن جىردان شاشۋ شاشىپ، مەرەكەلىك كوڭىل كۇي سىيلادى.
مەرەكەلىك كەشتە جاس انشىلەر حالىق اندەرىن ورىنداپ، كۇمبىرلەگەن كۇي تارتىلىپ، اسەرلى ولەڭدەر وقىلدى. جاستاردىڭ ونەرىن تاماشالاعان قارتتار ريزاشىلىقتارىن ءبىلدىرىپ، اق باتالارىن بەردى.
شارانىڭ باستى ماقساتى – ۇرپاقتار ساباقتاستىعىن نىعايتىپ، ۇلكەندەرگە قۇرمەت كورسەتۋ. ونەرپاز جاستار قارتتارعا گۇل شوقتارىن تابىستاپ، جىلى لەبىزدەرىن جەتكىزدى.
كورىسۋ كۇنى – قازاق حالقىنىڭ ەجەلدەن كەلە جاتقان ىزگى داستۇرلەرىنىڭ ءبىرى. بۇل كۇنى ادامدار ءبىر-بىرىمەن قاۋىشىپ، اماندىق سۇراسىپ، ۇلكەندەرگە قۇرمەت كورسەتەدى.
اقتوبەدەگى مەرەكەلىك كونتسەرت تە وسى ءداستۇردىڭ جالعاسى ىسپەتتى بولدى. جاستاردىڭ ىقىلاسىنا بولەنگەن قارتتار مەرەكەلىك كەشتەن ەرەكشە اسەر الىپ، ۇيىمداستىرۋشىلارعا العىستارىن ءبىلدىردى.
ونەرپازدار الداعى ۋاقىتتا دا وسىنداي تاعىلىمدى شارالاردى جالعاستىرۋعا نيەتتى ەكەندەرىن جەتكىزدى.
