اقتوبەدە وبلىستىق اكىمدىك قىزمەتكەرىن 35 جەردەن پىشاقتاپ ولتىرگەن قاسكويدىڭ جازاسى اۋىرلادى. بۇل تۋرالى كتك تەلەارناسى جاريالادى، دەپ حابارلايدى “ادىرنا” ۇلتتىق پورتالى.
بۇعان دەيىن ول 11 جىلعا سوتتالعان بولاتىن. الايدا ءىستى قايتا قاراعان اپەللياتسيالىق القا بۇرىنعى جازاعا تاعى ءتورت جىل قوسىپ، سوتتالۋشىنى 15 جىلعا باس بوستاندىعىنان ايىردى.
وسى كەسىپ تەسىلگەن دەنە جاراقاتتارى قوسارلانا دەنساۋلىققا اۋىر زيان كەلتىرگەن. ىشكە جانە سىرتقا قان كوپ كەتۋمىمەن اسقىنعان. سول سەبەپتى ومىرىنە قاۋىپ تونگەن جانە ولىمگە الىپ كەلگەن، – دەلىنگەن سوت حابارلاماسىندا.
مارقۇمنىڭ تۋىستارى كەسىلگەن جازامەن ءاۋ باستا-اق كەلىسپەگەن. ويتكەنى ءبىرىنشى سوت قىلمىستىق ىستەگى اسا قاتىگەزدىكپەن دەگەن باپتى الىپ تاستاپ، تەك ادام ولتىرگەنى ءۇشىن سوتتاپتى. بىراق قاسكويدىڭ مارقۇمدى پىشاقتاعان سوڭ، ەس ءتۇسسىز قانسىراپ جاتقاندا قوسىمشا باۋىزداعانى انىقتالدى. كوزىنە قان قۇيىلعان كۇدىكتى ءولى دەنەنى جۇكسالعىشقا تىعىپ، ەكى كۇن جۇرگەنى دە جان تۇرشىكتىرەدى. ساراپتاما ونىڭ پسيحيكالىق اۋىتقۋدان ادا ەكەنىن دە راستاعان.
ەسكە سالساق، بۇل قاندى قىلمىس وسىدان 4 اي بۇرىن بولدى. قىلمىسكەر مەن جالعىزباستى انا عالامتوردا تانىسقان. جىگىت ءوزىن بويداق جانە ايەلدەن 6 جاس ۇلكەن ەكەنىن ايتادى. الايدا اقىرعى كەزدەسۋىندە مارقۇم كوڭىلدەسىنىڭ وتباسىلى ەكەنىن ۇيالى تەلەفونىنداعى سۋرەتتەردەن ءبىلىپ قالعان. سودان تۋعان جانجالدىڭ ارتى ەكى بالانى اناسىز قالدىردى. وبلىستىق اكىمدىكتە جۇمىس ىستەيتىن ايەلدىڭ كوڭىلدەسى كولىگىنىڭ سۋىرماسىندا جاتقان پىشاقتى الىپ، 35 جەرىنەن سۇققىلاعان.
