اقتوبە وبلىسىندا 8 ادام قازا تاپقان جانتۇرشىگەرلىك اپات ورنىندا فوتو مەن ۆيدەولار پايدا بولدى، دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەپ.
ايتا كەتسەك، 7 تامىزدا سامارا-شىمكەنت تاس جولىنىڭ 862-ءشى شاقىرىمىندا (حرومتاۋ اۋدانى) جول اپاتى بولىپ، جۇك كولىگى مەن ميكرواۆتوبۋس سوقتىعىسقان.
اۋىر جۇك كولىگىمەن سوقتىعىسقان مينيۆەندە 8 ادام بولعان: ءۇش ەر ادام جانە بەس بالا. بارلىق جولاۋشىلار مەن جۇرگىزۋشى وقيعا ورنىندا قازا تاپتى. كولىكتە اكەسىمەن بىرگە ەكى ۇل – اعايىندىلار بولعان.
ءبىلىم باسقارماسىنىڭ حابارلاۋىنشا، 7 تامىز كۇنى تاڭەرتەڭ Toyota Ipsum كولىگى ايتەكە بي اۋدانىنان ماڭعىستاۋ وبلىسىنا بەت العان. بالالار فۋتبول تۋرنيرىنە قاتىسۋى كەرەك ەدى.
«ءبىزدىڭ مالىمەت بويىنشا، بالالار اتا-انالارىنىڭ رۇقساتىمەن، ءتىپتى كەيبىرەۋلەرى اتا-انالارىمەن بىرگە ماڭعىستاۋ وبلىسىنا 2013 جىلى تۋعان وقۋشىلاو اراسىندا فۋتبولدان وتەتىن تۋرنيرگە جولعا شىققان. بۇل تۋرالى بىزگە رەسمي اقپارات تۇسكەن جوق. رەسمي رۇقسات، كەلىسىم جوق»، - دەدى ول بۇعان دەيىن اقتوبە وبلىسىنىڭ ءبىلىم باسقارماسىنىڭ باسشىسى جايىق سۇلتان.
پوليتسيانىڭ مالىمەتىنشە، جۇك كولىگىنىڭ جۇرگىزۋشىسى زارداپ شەكپەگەن، قازىر تۇسىنىكتەمە بەرىپ جاتىر. اپاتتىڭ سەبەپتەرى انىقتالۋدا.
