اقسەلەۋ اعا قايتىس بولعاندا كادىربەك اعادان (سەگىزباەۆ) جازىپ الىپ ەدىم. ماقالانىڭ تاقىرىبىن "بيىكشىل جانى بيىكتە جاتىپ جاي تاپتى" دەپ قويىپپىن. سول ماقالانىڭ مىنا ءبىر تۇسىن بولىسكىم كەلىپ وتىر.
"اقاڭنىڭ بالا كەزگi ءومiر تاريحى بەلگiلi. اقسەلەۋ تۋعان كۇنi اكەسi سوعىسقا اتتانىپتى. شەشەسi تولعاتىپ جاتقان كەزدە اكەسiن سوعىسقا الىپ كەتكەن عوي. بەس-التى شاقىرىمعا بارعاننان كەيiن، ارتىنان ء“سۇيiنشi” سۇراپ، بiرەۋ شاۋىپ كەلiپتi. “ايەلiڭ بوساندى” دەگەندi ەستiگەن سوڭ، شىداپ تۇرا الا ما؟ سودان “مەن بارىپ كەلە قويايىنشى” دەپ، جاڭاعىنىڭ اتىنا مiنە سالىپ، شاۋىپ وتىرىپ ۇيiنە كەلiپتi. قۇنداقتاعى بالاسىنىڭ بەتiنەن بiر يiسكەپتi. “شاشى اپپاق، سەلەۋ سياقتى ەكەن” دەپ قايتا شاۋىپ كەتiپتi. “اقسەلەۋ” دەپ قويعان ەكەن.
سوندا اكەسi سەيدiمبەك بالاسى سلانعا: “شىراعىم-اي، بەكەر ورالدىڭ-اۋ” دەگەن ەكەن. ايتقانىنداي كەلەسi جىلى قارا قاعاز كەلiپتi. سودان اقسەلەۋدi اكەسiنiڭ اعاسى اسىراپ الادى. ءوزiنiڭ بالاسىنداي قىلىپ وسiرگەن عوي. بالا كەزiندە جەتiمدiگiن بiرەۋدەن ەستiپ قالىپ، قياليلانىپ مەكتەپكە بارماي، “قايتسەم، ءوزiمنiڭ تۋعان شەشەمدi تاۋىپ الام” دەپ، شەشەسiن iزدەپ كەتەدi. شەشەسi باسقا بiر اعايىندارىنا امەڭگەرلiكپەن كۇيەۋگە شىعىپ كەتكەن. ول باۋىرىنا باسقان اكەسi مەن شەشەسiندەي بولمايدى. ولارعا قايتىپ كەلۋگە بەت جوق. سودان بۇزاقى بالا بولىپ، ۆاگون مەن ۆاگوننىڭ ۇستiندە سەكiرiپ جۇرگەنiن ايتاتىن ەدi.
بiر كۇنi “وسىنى مەن جازسام قايتەدi” دەپ ەدiم، “جازا الساڭ، جاز” دەدi. بۇرىن جىل سايىن ءداستۇرلi ادەبي كونكۋرس وتەتiن. مەملەكەتتiك باسپا كوميتەتi, قازاقستان كومسومولى ورتالىق كوميتەتi, قازاقستان جازۋشىلار وداعى ۇيىمداستىراتىن. “جاپ-جاسىل الەم” دەگەن پوۆەست جازىپ، سول 1981 جىلعى جابىق كونكۋرستا بiرiنشi جۇلدە الىپ ەدiم. ول ەندi اقاڭنىڭ بالا كەزدەگi ءومiر تاريحى سياقتى دۇنيە. كەيiن اسىراپ العان اكە-شەشەسi تاۋىپ الىپتى. اڭىراپ كەلiپ: “قۋ سوعىس-اي، نە كورسەتپەدiڭ؟” دەپ، بۇكiل ۆوكزالداعى جۇرتتى جىلاتىپ، اقاڭدى قايتا باۋىرىنا باسىپتى. مiنە، بالالىق شاعىن وسىنداي قيىندىقپەن وتكiزگەن بولاتىن".
