Aqseleu aǧa qaitys bolǧanda Kädırbek aǧadan (Segızbaev) jazyp alyp edım. Maqalanyŋ taqyrybyn "Biıkşıl jany biıkte jatyp jai tapty" dep qoiyppyn. Sol maqalanyŋ myna bır tūsyn bölıskım kelıp otyr.
"Aqaŋnyŋ bala kezgi ömir tarihy belgili. Aqseleu tuǧan küni äkesi soǧysqa attanypty. Şeşesi tolǧatyp jatqan kezde äkesin soǧysqa alyp ketken ǧoi. Bes-alty şaqyrymǧa barǧannan keiin, artynan “süiinşi” sūrap, bireu şauyp kelipti. “Äieliŋ bosandy” degendi estigen soŋ, şydap tūra ala ma? Sodan “men baryp kele qoiaiynşy” dep, jaŋaǧynyŋ atyna mine salyp, şauyp otyryp üiine kelipti. Qūndaqtaǧy balasynyŋ betinen bir iiskepti. “Şaşy appaq, seleu siiaqty eken” dep qaita şauyp ketipti. “Aqseleu” dep qoiǧan eken.
Sonda äkesi Seidimbek balasy Slanǧa: “Şyraǧym-ai, beker oraldyŋ-au” degen eken. Aitqanyndai kelesi jyly qara qaǧaz kelipti. Sodan Aqseleudi äkesiniŋ aǧasy asyrap alady. Öziniŋ balasyndai qylyp ösirgen ǧoi. Bala kezinde jetimdigin bireuden estip qalyp, qiialilanyp mektepke barmai, “Qaitsem, özimniŋ tuǧan şeşemdi tauyp alam” dep, şeşesin izdep ketedi. Şeşesi basqa bir aǧaiyndaryna ämeŋgerlikpen küieuge şyǧyp ketken. Ol bauyryna basqan äkesi men şeşesindei bolmaidy. Olarǧa qaityp keluge bet joq. Sodan būzaqy bala bolyp, vagon men vagonnyŋ üstinde sekirip jürgenin aitatyn edi.
Bir küni “Osyny men jazsam qaitedi” dep edim, “jaza alsaŋ, jaz” dedi. Būryn jyl saiyn dästürli ädebi konkurs ötetin. Memlekettik baspa komiteti, Qazaqstan komsomoly ortalyq komiteti, Qazaqstan Jazuşylar odaǧy ūiymdastyratyn. “Jap-jasyl älem” degen povest jazyp, sol 1981 jylǧy jabyq konkursta birinşi jülde alyp edim. Ol endi Aqaŋnyŋ bala kezdegi ömir tarihy siiaqty dünie. Keiin asyrap alǧan äke-şeşesi tauyp alypty. Aŋyrap kelip: “Qu soǧys-ai, ne körsetpediŋ?” dep, bükil vokzaldaǧy jūrtty jylatyp, Aqaŋdy qaita bauyryna basypty. Mine, balalyq şaǧyn osyndai qiyndyqpen ötkizgen bolatyn".
