ۇكىمەت ينفلياتسيانى 9-11%-عا دەيىن تومەندەتۋ ءۇشىن شارالار كەشەنىن قابىلدايدى. بۇل تۋرالى پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين مالىمدەدى، دەپ حابارلايدى «ادىرنا» ءتىلشىسى.
ايتۋىنشا، باعالاردى تۇراقتاندىرۋ ءۇشىن وسى جىلدان باستاپ الەۋمەتتىك ماڭىزى بار ازىق-تۇلىك تاۋارلارىنىڭ تىزبەسى 19-دان 31-گە دەيىن كەڭەيتىلگەن.
سونداي-اق تابيعي مونوپوليالار سۋبەكتىلەرىنىڭ تاريفتەرى وسكەن كەزدەگى تيگىزەتىن ىقپالى قاتاڭ قاداعالانباق. ول ينفلياتسيانىڭ نىسانالى پارامەترلەرىنە بايلانىستى شەكتەلەتىن بولادى.
ودان بولەك، بيزنەسكە قولايلى بولۋى ءۇشىن جانە سالىق كودەكسىن ءتيىمدى ەنگىزۋ ماقساتىندا جوبالىق كەڭسەسى قۇرىلعان. بۇل كونسۋلتاتسيالار مەن سۇيەمەلدەۋ ءۇشىن بىرىڭعاي تەرەزە بولادى. ءتۇسىندىرۋ جۇمىستارى 130 مىڭ كاسىپكەردى قامتىدى، پىكىرلەر مەن ۇسىنىستاردى ەسەپكە الۋ ءۇشىن كونسترۋكتيۆتى ديالوگ جولعا قويىلدى.
«جوسپارلانعان شارالار حالقتىڭ ءال-اۋقاتىنىڭ ارتۋىمەن قاتار جۇرەتىن ودان ءارى ورنىقتى جانە ساپالى ءوسۋ ءۇشىن نەگىز جاسايدى. بارلىق سىندارلى ۇسىنىستار مۇقيات قارالىپ، قورىتىندىسى بويىنشا تۇزەتۋلەر ەنگىزۋدىڭ ورىندىلىعى مەن قاجەتتىلىگى ايقىندالاتىن بولادى»،-دەپ اتاپ ءوتتى ۆيتسە-پرەمەر.
ۇكىمەت جالپى سوماسى 1,5 ملرد اقش دوللارىن قۇرايتىن ەۋرووبليگاتسيالاردى شىعارۋدى ءساتتى جۇزەگە اسىردى
