فوتو: جي كومەگىمەن
استانا حالىقارالىق اۋەجايىنا اۆستراليادان دورپەر تۇقىمدى 1 100 قويدىڭ العاشقى لەگى جەتكىزىلدى. ەرەكشە جۇكتى Qatar Airways Cargo اۋە كومپانياسىنىڭ Boeing 777F جۇك ۇشاعى تاسىمالداعان، دەپ حابارلايدى “ادىرنا”.
اتالعان اۋە كەمەسى الىس قاشىقتىققا ءىرى كولەمدەگى جۇكتەردى تاسىمالداۋعا بەيىمدەلگەن. ونىڭ ىشىندە ءتىرى جانۋارلاردى دا ۆەتەريناريالىق جانە قاۋىپسىزدىك تالاپتارىن ساقتاي وتىرىپ جەتكىزۋگە مۇمكىندىك بار.
اۆستراليادان اكەلىنگەن قويلاردى «بەرەكە» جەڭىلدەتىلگەن نەسيەلەۋ باعدارلاماسى اياسىندا «ەرەيمەنتاۋ استىق-2014» جشس ساتىپ العان. بۇل – كاسىپورىننىڭ جالپى سانى 4 مىڭ باس ۇساق مال اكەلۋدى كوزدەيتىن اۋقىمدى جوباسىنىڭ العاشقى كەزەڭى. بۇگىنگى جەتكىزىلىم جوسپارلانعان مال باسىنىڭ تورتتەن بىرىنەن استامىن قۇرايدى.
ايتا كەتەيىك، ءتىرى مالدى اۋە ارقىلى تاسىمالداۋ كۇردەلى لوگيستيكالىق دايىندىقتى قاجەت ەتەدى. مۇنداي وپەراتسيا كەزىندە جانۋارلاردىڭ قاۋىپسىزدىگى، ۆەتەريناريالىق-سانيتاريالىق نورمالاردىڭ ساقتالۋى جانە بارلىق قىزمەتتەردىڭ ۇيلەسىمدى جۇمىسى باستى نازاردا بولادى.
اۆستراليادان استاناعا جاسالعان بۇل رەيس حالىقارالىق اۋە تاسىمالىنىڭ مۇمكىندىكتەرىن اۋىل شارۋاشىلىعى سالاسىنداعى جوبالاردى جۇزەگە اسىرۋعا پايدالانۋدىڭ ءبىر مىسالى بولدى.
ءوزىن قازاقستانمەن “جۇباتاتىن” رەسەيمەن جاقىنداسۋ تىم قاۋىپتى – ەاەو جيىنىنان كەيىنگى ساياساتتانۋشى پىكىرى
TALIS-2024 حالىقارالىق زەرتتەۋىنىڭ ناتيجەلەرى قازاقستاننىڭ ءبىلىم بەرۋ سالاسىنداعى مەملەكەت باسشىسىنىڭ باستامالارى مەن رەفورمالاردىڭ تيىمدىلىگىن دالەلدەدى
